തിരുവനന്തപുരം: കേരള ക്രിക്കറ്റ് ലീഗില് ഇന്നത്തെ ആദ്യ പോരാട്ടത്തില് നിലവിലെ ചാംപ്യന്മാരായ ഏരീസ് കൊല്ലം സെയിലേഴ്സിന് 145 റണ്സ് വിജയ ലക്ഷ്യം. തൃശൂര് ടൈറ്റന്സിനെ അവര് 144 റണ്സില് പുറത്താക്കി. ആദ്യം ബാറ്റിങിനു ഇറങ്ങിയ തൃശൂരിന്റെ പോരാട്ടം 19.5 ഓവറില് അവസാനിച്ചു.
38 പന്തില് 2 സിക്സും 3 ഫോറും സഹിതം 41 റണ്സ് കണ്ടെത്തിയ ഓപ്പണര് ആനന്ദ് കൃഷ്ണനാണ് ടൈറ്റന്സിനായി തിളങ്ങിയത്. 24 റണ്സെടുത്ത അക്ഷയ് മനോഹറാണ് തിളങ്ങിയ മറ്റൊരാള്.
ഏരീസ് കൊല്ലത്തിനായി അജയ്ഘോഷ് നാല് വിക്കറ്റുകള് വീഴ്ത്തി. താരം 3.5 ഓവറില് 27 റണ്സ് വഴങ്ങിയാണ് നാല് വിക്കറ്റുകള് സ്വന്തമാക്കിയത്. 4 ഓവറില് 19 റണ്സ് വഴങ്ങി അമല് 3 വിക്കറ്റുകള് സ്വന്തമാക്കി. ഷറഫുദ്ദീന് രണ്ടും സജീവന് അഖില് ഒരു വിക്കറ്റും നേടി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
