തിരുവനന്തപുരം: വെടിക്കെട്ട് ബാറ്റിങുമായി കത്തിപ്പടര്ന്ന് നിലവിലെ ചാംപ്യന്മാരായ എരീസ് കൊല്ലം സെയിലേഴ്സ്. കേരള ക്രിക്കറ്റ് ലീഗില് കൊച്ചി ബ്ലൂ ടൈഗേഴ്സിനു മുന്നില് 237 റണ്സിന്റെ പടുകൂറ്റന് ലക്ഷ്യം വച്ച് കൊല്ലം. ആദ്യം ബാറ്റിങിനു ഇറങ്ങിയ കൊല്ലം നിശ്ചിത ഓവറില് 5 വിക്കറ്റ് മാത്രം നഷ്ടത്തില് 236 റണ്സ് അടിച്ചുകൂട്ടി.
രണ്ട് സെഞ്ച്വറികള് നഷ്ടമായത് മാത്രമാണ് അവര്ക്ക് നിരാശ സമ്മാനിച്ചത്. ഓപ്പണര് വിഷ്ണു വിനോദ് ഫോമിലേക്ക് മടങ്ങിയെത്തിയപ്പോള് കട്ടയ്ക്ക് പിന്തുണ നല്കി ക്യാപ്റ്റന് സച്ചിന് ബേബിയും ഫോമിലായത് കൊല്ലത്തിന് ഇരട്ടി മധുരമായി. ഇരുവര്ക്കുമാണ് സെഞ്ച്വറി നഷ്ടമായത്.
വിഷ്ണു വിനോദ് 41 പന്തില് 10 സിക്സും 3 ഫോറും സഹിതം 94 റണ്സെടുത്തു മടങ്ങി. സച്ചിന് ബേബി 44 പന്തില് ആറ് വീതം സിക്സും ഫോറും സഹിതം 91 റണ്സും കണ്ടെത്തി.
കൊച്ചി ബ്ലൂ ടൈഗേഴ്സിനായി ജെറിന് പിഎസ് 2 വിക്കറ്റെടുത്തു. അഖിന് സത്താര്, ക്യാപ്റ്റന് സാലി സാംസണ്, കെഎം ആസിഫ് എന്നിവര് ഓരോ വിക്കറ്റെടുത്തു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
