പുനെ: ആദ്യ ഏകദിനത്തിലെ അര്‍ധ ശതകത്തിന് പിന്നാലെ രണ്ടാം ഏകദിനത്തില്‍ സെഞ്ചുറി നേടി ഫോമിലേക്കുള്ള മടങ്ങിവരവ് പ്രഖ്യാപിച്ച് കെ എല്‍ രാഹുല്‍. രാഹുല്‍ സെഞ്ചുറിയിലേക്ക് എത്തിയപ്പോള്‍ മറുവശത്ത് റിഷഭ് പന്ത് സ്‌കോറിങ്ങിന്റെ വേഗം കൂട്ടി.
108 പന്തില്‍ നിന്ന് ആറ് ഫോറിന്റേയും രണ്ട് സിക്‌സിന്റേയും അകമ്പടിയോടെയാണ് രാഹുല്‍ സെഞ്ചുറി പൂര്‍ത്തിയാക്കിയത്. രാഹുലിന്റെ അഞ്ചാം ഏകദിന സെഞ്ചുറിയാണ് ഇത്. 28 പന്തില്‍ നിന്നാണ് റിഷഭ് പന്ത് അര്‍ധ ശതകം കണ്ടെത്തിയത്. 30 പന്തില്‍ നിന്ന് 57 റണ്‍സിലേക്ക് തന്റെ സ്‌കോര്‍ എത്തുമ്പോഴേക്കും പന്തിന്റെ ബാറ്റില്‍ നിന്ന് പറന്നത് മൂന്ന് ഫോറും അഞ്ച് സിക്‌സും.
രാഹുലിന്റേയും പന്തിന്റേയും ബാറ്റിങ് ബലത്തില്‍ 43 ഓവറിലേക്ക് കളി എത്തുമ്പോള്‍ ഇന്ത്യന്‍ സ്‌കോര്‍ മൂന്ന് വിക്കറ്റ് നഷ്ടത്തില്‍ 260ല്‍ എത്തി. നേരത്തെ ടോസ് നഷ്ടപ്പെട്ട് ബാറ്റിങ്ങിന് ഇറങ്ങേണ്ടി വന്ന ഇന്ത്യക്ക് ഓപ്പണര്‍മാരെ ആദ്യ 9 ഓവറിനുള്ളില്‍ നഷ്ടമായിരുന്നു. രോഹിത് ശര്‍മ 25 റണ്‍സ് നേടിയും ശിഖര്‍ ധവാന്‍ നാല് റണ്‍സിനുമാണ് പുറത്തായത്.
എന്നാല്‍ കെ എല്‍ രാഹുലിനൊപ്പം ചേര്‍ന്ന് 121 റണ്‍സിന്റെ കൂട്ടുകെട്ടാണ് കോഹ് ലി പടുത്തുയര്‍ത്തിയത്. 66 റണ്‍സ് എടുത്ത് നില്‍ക്കെ കോഹ് ലിയെ ആദില്‍ റാഷിദ് മടക്കി. 2019 നവംബറിന് ശേഷം കോഹ് ലിക്ക് ഇതുവരെ സെഞ്ചുറി കണ്ടെത്താന്‍ കഴിഞ്ഞിട്ടില്ല.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
