ന്യൂഡല്‍ഹി: ഇംഗ്ലണ്ടിനെതിരായ ഏകദിന പരമ്പരയ്ക്കുള്ള ടീമില്‍ നിന്ന് നായകന്‍ വിരാട് കോഹ്‌ലിക്കും രോഹിത് ശര്‍മയ്ക്കും വിശ്രമം നല്‍കില്ല. പ്രസിദ്ധ്‌
കൃഷ്ണയും, ക്രുനാല്‍ പാണ്ഡ്യയും ഏകദിന ടീമിലേക്ക് എത്തിയേക്കും എന്നാണ് സൂചന.
14ാം ഐപിഎല്‍ സീസണിന് മുന്‍പായുള്ള ഇന്ത്യയുടെ അവസാന രാജ്യാന്തര മത്സരമാണ് ഇംഗ്ലണ്ടിനെതിരായ ഏകദിന പരമ്പര. ഓസ്‌ട്രേലിയക്കെതിരായ പരമ്പരയില്‍ പരിക്കേറ്റ പേസര്‍ മുഹമ്മദ് ഷമി ടീമിലേക്ക് തിരികെ എത്തിയേക്കും. എന്നാല്‍ വിരലിന് പരിക്കേറ്റ രവീന്ദ്ര ജഡേജയ്ക്ക് ഏതാനും ആഴ്ച കൂടി മാറി നില്‍ക്കേണ്ടി വരുമെന്നാണ് സൂചന.
വിജയ് ഹസാരെ ട്രോഫിയില്‍ ഏഴ് കളിയില്‍ നിന്ന് 14 വിക്കറ്റ് വീഴ്ത്തിയാണ് പ്രസിദ്ധ സെലക്ടര്‍മാരുടെ ശ്രദ്ധ പിടിച്ചത്. എന്നാല്‍ ഇംഗ്ലണ്ടിനെതിരായ ഏകദിന പരമ്പരയ്ക്കുള്ള ടീമിലേക്ക് പൃഥ്വി ഷായും, ദേവ്ദത്ത് പടിക്കലും എത്താന്‍ സാധ്യതയില്ല. വിജയ് ഹസാരെ ട്രോഫിയില്‍ ഇരുവരും വലിയ മികവ് പുറത്തെടുത്തെങ്കിലും ഇരുവരും ഇനിയും കാത്തിരിക്കണം എന്നാണ് ബിസിസിഐ വൃത്തങ്ങള്‍ നല്‍കുന്ന സൂചന.
8 ഇന്നിങ്‌സില്‍ നിന്ന് 827 റണ്‍സ് ആണ് വിജയ് ഹസാരെ ട്രോഫിയില്‍ പൃഥ്വി കണ്ടെത്തിയത്. ബാറ്റിങ് ശരാശരി 165.40. 147.40 എന്ന ബാറ്റിങ് ശരാശരിയില്‍ 737 റണ്‍സ് ആണ് ദേവ്ദത്ത് പടിക്കല്‍ കണ്ടെത്തിയത്. മാര്‍ച്ച് 23നാണ് ഇന്ത്യ-ഇംഗ്ലണ്ട് ഏകദിന പരമ്പര ആരംഭിക്കുന്നത്. മൂന്ന് ഏകദിനങ്ങളാണ് പരമ്പരയിലുള്ളത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
