ലാബുഷെയ്‌നിന്റെ ബാറ്റിങ് ശൈലിയെ അധിക്ഷേപിച്ച് സംസാരിച്ച ഓസ്‌ട്രേലിയന്‍ മുന്‍ താരങ്ങളായ ഷെയ്ന്‍ വോണ്‍, ആന്‍ഡ്ര്യു സൈമണ്ട്‌സ് എന്നിവര്‍ക്കെതിരെ വിമര്‍ശനം ശക്തം. ബിഗ് ബാഷ് ലീഗില്‍ കമന്ററി പറയുന്നതിന് ഇടയിലാണ് ഇവരില്‍ നിന്ന് ലാബുഷെയ്‌നിനെ അധിക്ഷേപിക്കുന്ന പരാമര്‍ശമുണ്ടായത്.
ഇതിനെതിരെ വിമര്‍ശനം ശക്തമായതോടെ കയോ സ്‌പോര്‍ട്‌സ് ക്ഷമ ചോദിച്ചു. അഡ്‌ലെയ്ഡ് സ്‌ട്രൈക്കേഴ്‌സും, മെല്‍ബണ്‍ റെനഗേഡ്‌സും തമ്മിലുള്ള മത്സരത്തിന് ഇടയിലായിരുന്നു സംഭവം. ലാബുഷെയ്‌നിന് അറ്റന്‍ഷന്‍ ഡെഫിസിറ്റ് ഡിസോഡര്‍ ആണെന്ന് സൈമണ്ടസ് പറഞ്ഞു. വിചിത്രമായ ശരീരഭാഷയാണ് ലാബുഷെയ്‌നിന്റേത് എന്നും ഇവര്‍ കമന്ററി ബോക്‌സിലിരുന്ന് പറഞ്ഞിരുന്നു.
ഓസ്‌ട്രേലിയയുടെ ഭാവി താരമെന്ന് വിലയിരുത്തപ്പെടുന്ന ലാബുഷെയ്ന് നേര്‍ക്കുള്ള അധിക്ഷേപങ്ങള്‍ ആരാധകര്‍ ക്ഷമിക്കുന്നില്ല. കഴിഞ്ഞ ഒന്നര വര്‍ഷമായി ടീമിന്റെ ഭാഗമാണ് ലാബുഷെയ്ന്. 2019ലെ ആഷസ് പരമ്പരയില്‍ സ്മിത്തിന് പകരക്കാരനായാണ് ലാബുഷെയ്ന് ടീമിലേക്ക് എത്തിയത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
