ഹരാരെ: സിംബാബ്‌വെ ക്രിക്കറ്റ് ടീമിന്റെ ബാറ്റിംഗ് കോച്ചായി ദക്ഷിണാഫ്രിക്കന്‍ മുന്‍ ഓള്‍റൗണ്ടര്‍ ലാന്‍സ് ക്ലൂസ്‌നറെ നിയമിച്ചു. ഇന്ത്യയുടെ ലാല്‍ചന്ദ് രാജ്പുത് മുഖ്യപരിശീലകനായി തുടരും.
ബാറ്റിംഗ് കോച്ചായിരുന്ന സ്റ്റുവര്‍ട്ട് മാറ്റ്‌സികെന്യേരിയെ അസിസ്റ്റന്റ് കോച്ചായി നിയമിച്ചിട്ടുണ്ട്. ക്രെയിഗ് ഇര്‍വിനെ പരിമിത ഓവര്‍ ക്രിക്കറ്റ് ടീമിന്റെ ക്യാപ്റ്റനായി നിയമിച്ചു.
ഷോണ്‍ വില്യംസിനെ ടെസ്റ്റ് ടീമിന്റെ ക്യാപ്റ്റനായി നിലനിര്‍ത്തി. അതേസമയം മറ്റു ഫോര്‍മാറ്റുകളില്‍ ചുമതല ഇര്‍വിനെ ഏല്‍പ്പിക്കുകയായിരുന്നു.
റെഗിസ് ചകാബ്‌വയെയാണ് മൂന്ന് ഫോര്‍മാറ്റിലും വൈസ് ക്യാപ്റ്റനായി നിയമിച്ചിരിക്കുന്നത്. 2016 മുതല്‍ 2018 വരെ ക്ലൂസ്‌നര്‍ സിംബാബ് വെ ബാറ്റിംഗ് കോച്ചായി പ്രവര്‍ത്തിച്ചിട്ടുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
