മുംബൈ: ഏറെ നാള്‍ പ്രണയത്തിലായിരുന്ന ഇഷാനി ജോഹറിന് മിന്നുചാര്‍ത്തി ഇന്ത്യന്‍ ലെഗ് സ്പിന്നര്‍ രാഹുല്‍ ചഹര്‍. ഐപിഎല്‍ പൂരം ആരംഭിക്കുന്നതിന് മുന്‍പായാണ് ഇഷാനിയെ രാഹുല്‍ തന്റെ ജീവിത സഖിയാക്കിയത്.
സ്വകാര്യ ചടങ്ങില്‍ വിവാഹം കഴിഞ്ഞതായാണ് റിപ്പോര്‍ട്ടുകള്‍. ഈ ശനിയാഴ്ച വിവാഹ സത്കാരം നടത്തുമെന്നും ദേശിയ മാധ്യമങ്ങള്‍ റിപ്പോര്‍ട്ട് ചെയ്യുന്നു. വിവാഹ ചടങ്ങിന്റെ ദൃശ്യങ്ങള്‍ രാഹുല്‍ ചഹറും സമൂഹമാധ്യമങ്ങളിലൂടെ പങ്കുവെച്ചു.
നേരത്തെ ദീപക് ചഹറും രാഹുലിനും ഇഷാനിക്കും ആശംസകളുമായി എത്തിയിരുന്നു. പിന്നാലെ രാഹുലിന്റെ പഴയ ഫ്രാഞ്ചൈസിയായ മുംബൈ ഇന്ത്യന്‍സും ഇക്കഴിഞ്ഞ താര ലേലത്തില്‍ രാഹുലിനെ ടീമിലെത്തിച്ച പഞ്ചാബും ഇരുവര്‍ക്കും ആശംസ നേര്‍ന്ന് എത്തുന്നു.
മുംബൈ ഇന്ത്യന്‍സിന്റെ സ്പിന്‍ നിരയില്‍ നിറഞ്ഞാണ് രാഹുല്‍ ശ്രദ്ധ പിടിക്കുന്നത്. 2022ലെ താര ലേലത്തിന് മുന്‍പായി ചഹറിനെ മുംബൈ റിലീസ് ചെയ്തു. 5.25 കോടി രൂപയ്ക്കാണ് രാഹുലിനെ പഞ്ചാബ് ടീമിലെത്തിച്ചത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
