ട്രിനിഡാഡ്: ടി 20 ലോകകപ്പില്‍ പുതിയ ചരിത്രമെഴുതി ന്യൂസിലന്‍ഡ് പേസര്‍ ലോക്കി ഫെര്‍ഗൂസന്‍. പാപ്പുവ ന്യൂഗിനിയക്കെതിരായ മത്സരത്തില്‍ നാല് ഓവര്‍ എറിഞ്ഞ ഫെര്‍ഗൂസന്റെ നാല് ഓവറും മെയ്ഡനായി. മൂന്നു വിക്കറ്റും വീഴ്ത്തി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
ടി20 ലോകകപ്പ് ചരിത്രത്തില്‍ നാല് ഓവറില്‍ ഒരു റണ്‍പോലും വഴങ്ങാതെ രണ്ടോ അതിലധികമോ വിക്കറ്റുകള്‍ വീഴ്ത്തുന്ന ആദ്യ താരമായി മാറി ഫെര്‍ഗൂസന്‍. കാനഡയുടെ സാദ് ബിന്‍ സഫറിനു ശേഷം ടി20-യില്‍ നാല് ഓവറുകളും മെയ്ഡനാക്കുന്ന രണ്ടാമത്തെ ബൗളര്‍ കൂടിയാണ് ഫെര്‍ഗൂസന്‍.
മത്സരത്തില്‍ ന്യൂസീലന്‍ഡ് ഏഴു വിക്കറ്റിന് വിജയിച്ചു. ടോസ് നേടി ബൗളിങ് തെരഞ്ഞെടുത്ത കിവീസ്, പാപ്പുവ ന്യൂഗിനിയെ 78 റണ്‍സിന് പുറത്താക്കി. മറുപടി ബാറ്റിങ്ങിനിറങ്ങിയ കിവീസ് 12.2 ഓവറില്‍ മൂന്നു വിക്കറ്റ് നഷ്ടത്തില്‍ ലക്ഷ്യം കണ്ടു. ന്യൂസീലന്‍ഡും പാപ്പുവ ന്യൂഗിനിയും നേരത്തേ തന്നെ സൂപ്പര്‍ എട്ടില്‍ കടക്കാതെ പുറത്തായിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
