ലണ്ടന്‍: ക്രിക്കറ്റിന്റെ ജന്മ സ്ഥലം, ക്രിക്കറ്റിന്റെ കളിത്തൊട്ടില്‍ എന്നൊക്കെ അറിയപ്പെടുന്ന വിഖ്യാതമായ ലോര്‍ഡ്‌സില്‍ ചരിത്രത്തില്‍ ആദ്യമായി വനിതാ ടെസ്റ്റ് ക്രിക്കറ്റ് പോരാട്ടം അരങ്ങേറുന്നു. അടുത്ത വര്‍ഷം ജൂലൈ 10 മുതല്‍ 13 വരെയാണ് പോരാട്ടം. ചതുര്‍ദിന ഫോര്‍മാറ്റിലാണ് വനിതകളുടെ ടെസ്റ്റ് പോരാട്ടം അരങ്ങേറുന്നത്.
200 വര്‍ഷത്തിനു മുകളില്‍ പഴക്കമുള്ള ഈ മൈതാനത്തിന്റെ ചരിത്രത്തില്‍ ഇന്നു വരെ വനിതകളുടെ ടെസ്റ്റ് പോരാട്ടം അരങ്ങേറിയിട്ടില്ല. സമ്മറില്‍ ആരാധകര്‍ക്ക് മികച്ച അവരമൊരുക്കുകയാണ് അധികൃതര്‍ ലക്ഷ്യമിടുന്നത്.
2026 സീസണിലെ വനിതാ ഹോം പരമ്പരകളുടെ സമയക്രമം സംബന്ധിച്ച തീരുമാനമെടുക്കുന്ന യോഗത്തിലാണ് ലോര്‍ഡ്‌സിലെ ടെസ്റ്റ് സംബന്ധിച്ച പ്രഖ്യാപനം. ഐസിസി വനിതാ ടി20 ലോകകപ്പിനു അടുത്ത വര്‍ഷം ആതിഥേയരാകുന്നത് ഇംഗ്ലണ്ടാണ്. ജൂണ്‍ 12 മുതല്‍ ജൂലൈ 15 വരെയാണ് ലോകകപ്പ്. അതിനിടെയാണ് ടെസ്റ്റ് മത്സരവും എന്നതും ശ്രദ്ധേയം.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
