66ാം വയസില്‍ ഇന്ത്യന്‍ മുന്‍ താരം അരുണ്‍ ലാലിന് വിവാഹം; വധു 38കാരി അധ്യാപിക

മുംബൈ: ഇന്ത്യന്‍ മുന്‍ ക്രിക്കറ്റ് താരം അരുണ്‍ ലാല്‍ വിവാഹിതനാവുന്നു. അധ്യാപികയായ ബുള്‍ ബുള്‍ സാഹയാണ് വധു. 66കാരനാണ് അരുണ്‍ ലാല്‍. ബുള്‍ ബുള്‍ സാഹ 38കാരിയും. 

ഇരുവരും ഏറെ നാളായി സുഹൃത്തുക്കളാണ്. നിലവില്‍ ബംഗാള്‍ ടീമിന്റെ മുഖ്യ പരിശീലകനാണ് അരുണ്‍ ലാല്‍. അരുണിന്റെ രണ്ടാമത്തെ വിവാഹമാണ് ഇത്. റീനയായിരുന്നു ആദ്യ ഭാര്യ. പരസ്പര സമ്മതത്തോടെയാണ് ഇവര്‍ ബന്ധം പിരിഞ്ഞത്. എന്നാല്‍ അസുഖബാധിതയായ റീന ഇപ്പോഴും അരുണിന്റെ കൂടെയാണ് കഴിയുന്നത് എന്നും ദേശിയ മാധ്യമങ്ങള്‍ റിപ്പോര്‍ട്ട് ചെയ്യുന്നു. 

അരുണും ബുള്‍ ബുള്‍ സാഹയും തമ്മിലുള്ള വിവാഹം നേരത്തെ നിശ്ചയിച്ചതാണ്. എന്നാല്‍ കോവിഡ് വ്യാപനത്തിന്റെ സമയമായിരുന്നതിനാല്‍ നീക്കി വെക്കുകയാണുണ്ടായത് എന്നാണ് സൂചന. മെയ് രണ്ടിനാണ് ഇവര്‍ വിവാഹിതരാവുന്നത് എന്നാണ് ഇപ്പോള്‍ വരുന്ന റിപ്പോര്‍ട്ടുകള്‍. 

ബംഗാള്‍ ക്രിക്കറ്റ് അസോസിയേഷന് അരുണ്‍ ക്ഷണക്കത്ത് നല്‍കി. 2016ല്‍ അര്‍ബുദ ബാധിതനായതോടെയാണ് അരുണ്‍ ലാല്‍ കമന്ററിയില്‍ നിന്ന് വിട്ട് നിന്നത്. രോഗം ഭേദമായതിന് ശേഷം പരിശീലകന്റെ റോള്‍ ഏറ്റെടുത്തു.

ഈ വാര്‍ത്ത കൂടി വായിക്കാം 

റയന്‍ പരാഗുമായി കൊമ്പുകേര്‍ത്ത് ബാംഗ്ലൂര്‍ പേസര്‍മാര്‍; ഹസ്തദാനം നല്‍കാതെ ഹര്‍ഷല്‍; 20കാരനാണെന്ന് ഓര്‍മിപ്പിച്ച് ആരാധകര്‍

സമകാലിക മലയാളം ഇപ്പോൾ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾ അറിയാൻ ക്ലിക്ക് ചെയ്യൂ