ടോക്യോ: ഇന്ത്യയുടെ ബജ്‌റംഗ് പൂനിയ സെമി ഫൈനലില്‍. ഇറാന്റെ മോര്‍തേസ ഗിയാസിയെ തോല്‍പ്പിച്ചാണ് ഗോദയില്‍ നിന്ന് ബജ്‌റംഗ് പൂനിയ ഇന്ത്യക്ക് വീണ്ടും മെഡല്‍ പ്രതീക്ഷ നല്‍കുന്നത്.
1-0ന് ഇന്ത്യന്‍ താരം പിന്നില്‍ നിന്നിടത്ത് നിന്നാണ് ഗിയാസിയെ പിന്‍ ചെയ്ത് ബജ്‌റംഗ് പൂനിയ സെമി ടിക്കറ്റ് നേടിയത്. സെമിയില്‍ 2016 റിയോ ഒളിംപിക്‌സിലെ വെങ്കല മെഡല്‍ ജേതാവ് അസര്‍ബയ്ജാന്റെ ഹാജി അലിയേവാണ് ഇന്ത്യന്‍ താരത്തിന്റെ എതിരാളി.
ടോക്യോയിലെ ഇന്ത്യ മെഡല്‍ പ്രതീക്ഷിക്കുന്ന താരമാണ് ബജ്‌റംഗ് പൂനിയ. 2018 ഏഷ്യന്‍ ഗെയിംസില്‍ സ്വര്‍ണവും 2019 ലോക ചാമ്പ്യന്‍ഷിപ്പില്‍ വെള്ളിയും പൂനിയ നേടിയിരുന്നു. അതേസമയം വനിതകളുടെ 50കിലോ ഫ്രീസ്റ്റൈലില്‍ ഇന്ത്യയുടെ സീമ ബിസ്ല പുറത്തായി. ടൂണിഷ്യന്‍ താരം സാറ ഹംദിയോട് പരാജയപ്പെട്ടാണ് പുറത്താകല്‍.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
