ബ്ലൂംഫോണ്ടെയ്ന്‍: അണ്ടര്‍ 19 ലോകകപ്പ് സൂപ്പര്‍ സിക്‌സ് പോരാട്ടത്തില്‍ ന്യൂസിലന്‍ഡിനു മുന്നില്‍ 296 റണ്‍സ് ലക്ഷ്യം വച്ച് ഇന്ത്യ. ആദ്യം ബാറ്റ് ചെയ്ത ഇന്ത്യ എട്ട് വിക്കറ്റ് നഷ്ടത്തില്‍ 295 റണ്‍സെടുത്തു.
മുഷീര്‍ ഖാന്‍ ഒരിക്കല്‍ കൂടി ഇന്ത്യയുടെ ടോപ് സ്‌കോററായി. താരം തകര്‍പ്പന്‍ സെഞ്ച്വറി വീണ്ടും നേടി. 126 പന്തില്‍ 13 ഫോറും മൂന്ന് സിക്‌സും സഹിതം 131 റണ്‍സാണ് താരം കണ്ടെത്തിയത്. ഇതോടെ ഈ ലോകകപ്പില്‍ ഏറ്റവും കൂടുതല്‍ റണ്‍സെടുത്ത താരങ്ങളുടെ പട്ടികയില്‍ മുഷീര്‍ ഒന്നാം സ്ഥാനത്തു കുതിക്കുന്നു.
ഇന്ത്യക്കായി ഓപ്പണര്‍ ആദര്‍ഷ് സിങ് അര്‍ധ സെഞ്ച്വറി നേടി. താരം 52 റണ്‍സെടുത്തു. ക്യാപ്റ്റന്‍ ഉദയ് സഹാറനാണ് മികവ് പുലര്‍ത്തിയ മറ്റൊരാള്‍. താരം 34 റണ്‍സെടുത്തു.
ന്യൂസിലന്‍ഡിനായി മാസന്‍ ക്ലാര്‍ക്ക് നാല് വിക്കറ്റെടുത്തു. റ്യാന്‍ സോര്‍ജസ്, ഇവാല്‍ഡ് ഷ്രൂഡര്‍, സാക് കമ്മിങ്, ഒലിവര്‍ തേവാടിയ എന്നിവര്‍ ഓരോ വിക്കറ്റെടുത്തു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
