സിഡ്‌നി: നമീബിയയുടെ ജയത്തോടെ ട്വന്റി20 ലോകകപ്പിന് ഓസ്‌ട്രേലിയയില്‍ തുടക്കം. ഗ്രൂപ്പ് ഘട്ടത്തിലെ ആദ്യ മത്സരത്തില്‍ കുഞ്ഞന്മാരായ നബീമിയക്ക് മുന്‍പില്‍ ഏഷ്യാ കപ്പ് ചാമ്പ്യന്മാര്‍ തകര്‍ന്നടിഞ്ഞു. 55 റണ്‍സിനാണ് നമീബിയയുടെ ജയം.
നമീബിയ മുന്‍പില്‍ വെച്ച 164 റണ്‍സ് പിന്തുടര്‍ന്ന ശ്രീലങ്ക 108 റണ്‍സിന് ഓള്‍ഔട്ടായി. 28 പന്തില്‍ നിന്ന് 44 റണ്‍സ് എടുക്കുകയും രണ്ട് വിക്കറ്റ് വീഴ്ത്തുകയും ചെയ്ത ജാന്‍ ഫ്രൈലിങ്ക് ആണ് കളിയിലെ താരം. 23 പന്തില്‍ നിന്ന് 29 റണ്‍സ് നേടിയ ദസുന്‍ ശനകയാണ് ശ്രീലങ്കയുടെ ടോപ് സ്‌കോറര്‍.
ഭാനുക രജപക്‌സെ 20 റണ്‍സ് നേടി. ലങ്കന്‍ നിരയില്‍ മറ്റൊരു താരത്തിനും 20ലേക്ക് സ്‌കോര്‍ എത്തിക്കാനായില്ല. രണ്ട് വിക്കറ്റ് വീതം വീഴ്ത്തി ഡേവിഡ്് വീസും ബെര്‍നാര്‍ഡ് ഷോല്‍ട്ട്‌സും ബെന്‍ ഷികോങ്ങോം ജാന്‍ ഫ്രൈലിക്കുമാണ് ലങ്കന്‍ നിരയെ തകര്‍ത്തത്.
ഈ വാർത്ത കൂടി വായിക്കൂ
സമകാലിക മലയാളം ഇപ്പോൾ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾ അറിയാൻ ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
