ആംസ്റ്റര്‍ഡാം: യൂറോ കപ്പ് പോരാട്ടങ്ങള്‍ തുടങ്ങാന്‍ ദിവസങ്ങള്‍ മാത്രം നില്‍ക്കെ നെതര്‍ലന്‍ഡ്‌സിനു കനത്ത തിരിച്ചടി. അവരുടെ നിര്‍ണായക താരവും മധ്യനിരയിലെ സര്‍വാധിപതിയുമായ ഫ്രങ്ക് ഡി യോങ് യൂറോ കപ്പില്‍ നിന്നു പുറത്ത്.
സ്പാനിഷ് ലാ ലിഗ വമ്പന്‍മാരായ ബാഴ്‌സലോണയുടെ താരമാണ് ഫ്രങ്കി. ഏപ്രില്‍ 21നു റയല്‍ മാഡ്രിഡിനെതിരായ എല്‍ ക്ലാസിക്കോ പോരാട്ടം കളിക്കുന്നതിനിടെ താരത്തിന്റെ വലതു കാല്‍പാദത്തിനു പരിക്കേല്‍ക്കുകയായിരുന്നു.
വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍
റൊണാള്‍ഡ് കോമാന്‍ പ്രഖ്യാപിച്ച യൂറോയ്ക്കുള്ള 26 അംഗ ടീമില്‍ താരത്തെയും ഉള്‍പ്പെടുത്തിയിരുന്നു. യൂറോ ആകുമ്പോഴേക്കും പരിക്ക് മാറുമെന്ന പ്രതീക്ഷയിലാണ് ടീമില്‍ ഉള്‍പ്പെടുത്തിയത്. എന്നാല്‍ പരിക്ക് മാറിയിട്ടില്ലെന്നും താരത്തിനു വിശ്രമം ആവശ്യമാണെന്നും വ്യക്തമായി.
നെതര്‍ലന്‍ഡ്‌സിനായി 54 മത്സരങ്ങളാണ് ഇതുവരെ 27കാരന്‍ കളിച്ചത്. താരത്തിനു ഈ സീസണിലെ ബാഴ്‌സലോണയുടെ അവസാന ആറ് മത്സരങ്ങളും നഷ്ടമായിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
