ക്രൈസ്റ്റ്ചര്‍ച്ച്: ഓസ്‌ട്രേലിയയും ന്യൂസിലന്‍ഡും തമ്മിലുള്ള രണ്ടാം ക്രിക്കറ്റ് ടെസ്റ്റ് ആവേശകരമായ അന്ത്യത്തിലേക്ക്. ഓസ്‌ട്രേലിയക്ക് മുന്നില്‍ 279 റണ്‍സ് വിജയ ലക്ഷ്യം വച്ച ന്യൂസിലന്‍ഡ് മൂന്നാം ദിനം സ്റ്റംപെടുക്കുമ്പോള്‍ കളിയില്‍ പിടിമുറുക്കിയാണ് കളം വിട്ടത്.
ഒന്നാം ഇന്നിങ്സില് ന്യൂസിലന്‍ഡിനെ 162 റണ്‍സില്‍ പുറത്താക്കാന്‍ ഓസ്‌ട്രേലിയക്ക് സാധിച്ചു. ഒന്നാം ഇന്നിങ്സില് ഓസീസ് 256 റണ്‍സില്‍ വീണു. പക്ഷേ 94 റണ്‍സിന്റെ ലീഡ് അവര്‍ക്ക് സ്വന്തമായി.
രണ്ടാം ഇന്നിങ്സില് ന്യൂസിലന്‍ഡ് തിരിച്ചു വന്നു. അവര്‍ 372 റണ്‍സെന്ന ഭേദപ്പെട്ട സ്‌കോര്‍ ഉയര്‍ത്തി. അതോടെ ഓസീസ് ലക്ഷ്യം 279 ആയി.
ബാറ്റേന്തുന്ന ഓസ്‌ട്രേലിയ കളി നിര്‍ത്തുമ്പോള്‍ നാല് വിക്കറ്റ് നഷ്ടത്തില്‍ 77 റണ്‍സെന്ന നിലയിലാണ്. ആറ് വിക്കറ്റുകള്‍ ശേഷിക്കേ ഓസീസിനു ജയത്തിനു വേണ്ടത് 202 റണ്‍സ്.
ഓപ്പണര്‍ റോളിലേക്ക് മാറിയെത്തിയ സ്റ്റീവ് സ്മിത്ത് വീണ്ടും പരാജയമായി. താരം 9 റണ്‍സില്‍ പുറത്തായി. ഉസ്മാന്‍ ഖവാജ (11), മര്‍നെസ് ലബുഷെയ്ന്‍ (6), കാമറൂണ്‍ ഗ്രീന്‍ (5) എന്നിവരാണ് പുറത്തായത്. നാല് നിര്‍ണായക വിക്കറ്റുകളാണ് മൂന്നാം ദിനം ഓസീസിനു ക്ഷണത്തില്‍ നഷ്ടമായത്.
39 പന്തില്‍ 17 റണ്‍സുമായി ക്രീസില്‍ നില്‍ക്കുന്ന ട്രാവിസ് ഹെഡ്ഡ്, 27 പന്തില്‍ 27 റണ്‍സുമായി പൊരുതുന്ന മിച്ചല്‍ മാര്‍ഷ് എന്നിവരാണ് നിലവില്‍ ഓസീസിനെ കരകയറ്റുക ലക്ഷ്യമിട്ട് ക്രീസില്‍ നില്‍ക്കുന്നത്. ഈ കൂട്ടുകെട്ടിലാണ് അവരുടെ പ്രതീക്ഷ.
വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍
രണ്ട് വീതം വിക്കറ്റുകള്‍ പിഴുത മാറ്റ് ഹെന്‍‍റി, ബെന്‍ സീര്‍സ് എന്നിവരുടെ മികച്ച ബൗളിങാണ് ന്യൂസിലന്‍ഡിനു മേല്‍ക്കൈ സമ്മാനിച്ചത്.
നേരത്തെ നാല് അര്‍ധ സെഞ്ച്വറികളാണ് കിവികള്‍ക്ക് രണ്ടാം ഇന്നിങ്സില് തിരിച്ചു വരവിനു കളമൊരുക്കിയത്. ടോം ലാതം (73), രചിന്‍ രവീന്ദ്ര (82), കെയ്ന്‍ വില്ല്യംസന്‍ (51), ഡാരില്‍ മിച്ചല്‍ (58) എന്നിവരാണ് ടീമിനെ കരകയറ്റിയത്.
വാലറ്റത്ത് സ്‌കോട്ട് കുഗ്ഗെലിജിന്‍ നടത്തിയ കൗണ്ടര്‍ അറ്റാക്കും നിര്‍ണായകമായി. താരം അഞ്ച് ഫോറും രണ്ട് സിക്‌സും സഹിതം 44 റണ്‍സെടുത്തു.
ഓസീസിനായി ഒന്നാം ഇന്നിങ്സില് മര്‍നെസ് ലബുഷെയ്ന്‍ തീര്‍ത്ത പ്രതിരോധമാണ് കിവികളുടെ കണക്കു കൂട്ടല്‍ തെറ്റിച്ചത്. താരമൊഴികെ മറ്റൊരു ഓസീസ് ബാറ്ററും 30 കടന്നില്ല.
മാറ്റ് ഹെന്റിയുടെ ഏഴ് വിക്കറ്റ് പ്രകടനമാണ് ഓസീസിനെ പിടിച്ചു നിര്‍ത്തിയത്. 23 ഓവറില്‍ 67 റണ്‍സ് വഴങ്ങിയാണ് ഹെന്റിയുടെ മിന്നും ബൗളിങ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
