വേഗ രാജാവ് ഉസൈന്‍ ബോള്‍ട്ടിന് ഇരട്ടക്കുട്ടികള്‍ പിറന്നു. ബോള്‍ട്ടിന്റെ പങ്കാളി കാസി ബെന്നെറ്റാണ് മക്കളുടെ ചിത്രം സോഷ്യല്‍ മീഡിയയിലൂടെ പുറത്തുവിട്ടത്. ഫാദേഴ്‌സ് ഡേ പ്രമാണിച്ചാണ് അഞ്ച് പേരും ഒന്നുച്ചുള്ള ചിത്രം കാസി പങ്കുവച്ചത്.
പോസ്റ്റിലൂടെ മക്കളുടെ പേരും കാസി ആരാധകരെ അറിയിച്ചിട്ടുണ്ട്. തണ്ടര്‍ ബോള്‍ട്ട് എന്നും സെയിന്റ് ലിയോ ബോള്‍ട്ടെന്നുമാണ് പേരിട്ടിരിക്കുന്നത്. കുടുംബചിത്രത്തില്‍ ഇവര്‍ക്കൊപ്പം മൂത്തമകള്‍ ഒളിമ്പ്യ ലൈറ്റ്‌നിങ് ബോള്‍ട്ടും ഉണ്ട്. എന്തായാലും മക്കളുടെ പേരാണ് സോഷ്യല്‍ മീഡിയയില്‍ കൂടുതല്‍ ചര്‍ച്ചയായിരിക്കുന്നത്. ലൈറ്റ്‌നിങ്ങും തണ്ടറും വീട്ടില്‍ എപ്പോഴും കൊടുങ്കാറ്റായിരിക്കുമല്ലോ? എന്നാണ് ആരാധകര്‍ ചോദിക്കുന്നത്.
2020 മെയിലാണ് ഒളിമ്പ്യ ജനിച്ചത്. മകള്‍ പിറന്ന് രണ്ട് മാസത്തിന് ശേഷമായിരുന്നു അന്ന് താരം പേര് പ്രഖ്യാപിച്ചത്. തണ്ടറിന്റെയും ലിയോയുടെയും ജനനതിയതി എന്നാണെന്ന് പുറത്തുവിട്ടിട്ടില്ല. എന്തായാലും കുടുംബത്തോടൊപ്പമുള്ള താരത്തിന്റെ ചിത്രം ഏറ്റെടുത്തിരിക്കുകയാണ് സോഷ്യല്‍ മീഡിയ.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
