അര്‍ധ സെഞ്ച്വറിയടിച്ച് ലിറ്റന്‍ ദാസും മുഷ്ഫിഖറും; പാകിസ്ഥാനെതിരെ ബംഗ്ലാദേശ് പൊരുതുന്നു

റാവല്‍പിണ്ടി: പാകിസ്ഥാനെതിരായ ഒന്നാം ക്രിക്കറ്റ് ടെസ്റ്റില്‍ ബംഗ്ലാദേശ് പൊരുതുന്നു. പാകിസ്ഥാന്‍ ഒന്നാം ഇന്നിങ്‌സില്‍ 6 വിക്കറ്റ് നഷ്ടത്തില്‍ 448 റണ്‍സെന്ന നിലയില്‍ ഇന്നിങ്‌സ് ഡിക്ലയര്‍ ചെയ്തിരുന്നു. പിന്നാലെ ഒന്നാം ഇന്നിങ്‌സ് തുടങ്ങിയ ബംഗ്ലാദേശ് 5 വിക്കറ്റ് നഷ്ടത്തില്‍ 316 റണ്‍സെന്ന നിലയില്‍ മൂന്നാം ദിനം കളി അവസാനിപ്പിച്ചു. 5 വിക്കറ്റുകള്‍ കൈയിലിരിക്കെ പാക് സ്‌കോറിനൊപ്പമെത്താന്‍ ബംഗ്ലാദേശിനു 132 റണ്‍സ് കൂടി വേണം.

മുഷ്ഫിഖര്‍ റഹിം (55), ലിറ്റന്‍ ദാസ് (52) എന്നിവര്‍ പുറത്താകാതെ ക്രീസില്‍ നില്‍ക്കുന്നതാണ് ബംഗ്ലാദേശിന്റെ പ്രതീക്ഷ. ഓപ്പണര്‍ ഷദ്മന്‍ ഇസ്ലാം (93), മൊമിനുല്‍ ഹഖ് (50) എന്നിവരും തിളങ്ങിയത് ബംഗ്ലാ ടീമിനു കരുത്തായി.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

പാകിസ്ഥാനായി ഖുറം ഷഹ്‌സാദ് രണ്ട് വിക്കറ്റുകള്‍ വീഴ്ത്തി. നസീം ഷാ, മുഹമ്മദ് അലി, സയിം അയുബ് എന്നിനവര്‍ ഓരോ വിക്കറ്റുകള്‍ വീഴ്ത്തി.

നേരത്തെ മുഹമ്മദ് റിസ്വാന്‍ (പുറത്താകാതെ 171), സൗദ് ഷക്കീല്‍ (141) എന്നിവരുടെ സെഞ്ച്വറികളുടെ ബലത്തിലാണ് പാകിസ്ഥാന്‍ 448ല്‍ ഇന്നിങ്‌സ് ഡിക്ലയര്‍ ചെയ്തത്. റിസ്വാന്‍ ഇരട്ട ശതകം നേടാന്‍ കാത്തു നില്‍ക്കാതെ ഡിക്ലയര്‍ ചെയ്തതു വിവാദമായിരുന്നു.