ആദ്യ മെഡല് കസാഖിസ്ഥാന്; വെങ്കലം വെടിവച്ചിട്ട് അലക്സാന്ഡ്ര- സതപയേവ് സഖ്യം
പാരിസ്: പാരിസ് ഒളിംപിക്സിലെ ആദ്യ മെഡല് കാസഖിസ്ഥാന്. 10 മീറ്റര് എയര് റൈഫിള് മിക്സഡ് ടീമിനത്തില് കസാഖിസ്ഥാന് വെങ്കലം നേടി.
അലക്സാന്ഡ്ര ലെ- ഇസ്ലാം സതപയേവ് സഖ്യമാണ് വെങ്കല മെഡല് പോരില് നേട്ടം വെടിവച്ചിട്ടത്. വെങ്കല പോരാട്ടത്തില് ജര്മനിയുടെ മിക്സിമിലിയന് ഉള്റെഹ്- അന്ന ജാന്സന് സഖ്യത്തെയാണ് വീഴ്ത്തിയത്. 17-5നാണ് കസാഖ് സഖ്യം വിജയവും മെഡലും സ്വന്തമാക്കിയത്.
28 വര്ഷത്തെ ഇടവേളയ്ക്ക് ശേഷമാണ് കസാഖിസ്ഥാന് ഒളിംപിക്സ് ഷൂട്ടിങില് മെഡല് നേടുന്നത്. 1996 അറ്റ്ലാന്റ ഒളിംപിക്സിലാണ് അവസാനമായി അവര് ഷൂട്ടിങ് മെഡല് നേടിയത്.
വാര്ത്തകള് അപ്പപ്പോള് ലഭിക്കാന് സമകാലിക മലയാളം ആപ് ഡൗണ്ലോഡ് ചെയ്യുക ഏറ്റവും പുതിയ വാര്ത്തകള്
അതേ സമയം ആദ്യ മെഡല് പോരിനിറങ്ങിയ ഇന്ത്യക്ക് നിരാശ. 10 മീറ്റര് എയര് റൈഫിള് ഷൂട്ടിങ് മിക്സഡ് ടീമിനത്തില് മത്സരിച്ച ഇന്ത്യയുടെ രണ്ട് സഖ്യങ്ങള്ക്കും ഫൈനലിലേക്ക് യോഗ്യത നേടാന് കഴിഞ്ഞില്ല.
ഇന്ത്യയുടെ രമിത ജിന്ഡാല്- അര്ജുന് ബബുത സഖ്യവും ഇളവനില് വാളറിവന്- സന്ദീപ് സിങ് സഖ്യവുമാണ് മെഡല് പോരില് നിന്നു പുറത്തായത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
