ന്യൂഡല്‍ഹി: ഇന്ത്യയുടെ ഏകദിന ടീമില്‍ ശ്രേയസ് അയ്യര്‍ക്ക് സ്ഥിരമായി ഇടം ലഭിക്കാത്തത് അത്ഭുതപ്പെടുത്തുന്നുവെന്ന് മുന്‍ ഓസീസ് താരം റിക്കി പോണ്ടിങ്. സ്ലോ പിച്ചുകളില്‍ സ്പിന്നര്‍മാര്‍ക്കെതിരെ ശക്തമായ ആധിപത്യം സ്ഥാപിക്കാന്‍ ശ്രേയസിന് കഴിയുന്നുണ്ടെന്നും പോണ്ടിങ് പറഞ്ഞു.
2023 ലെ ഏകദിന ലോകകപ്പില്‍ ഇന്ത്യയെ ഫൈനലിലേക്ക് നയിക്കുന്നതില്‍ ശ്രേയസ് നിര്‍ണായക പങ്കുവഹിച്ചു, മധ്യനിര ബാറ്ററായ താരം 530 റണ്‍സ് നേടി ടൂര്‍ണമെന്റിലെ കൂടുതല്‍ റണ്‍സ് നേടുന്ന ഏഴാമത്തെ റണ്‍സ്‌കോററായി. ഇന്നലെ നാഗ്പൂരില്‍ നടന്ന ആദ്യ ഏകദിനത്തില്‍ ഇംഗ്ലണ്ടിനെതിരെ 36 പന്തില്‍ 59 റണ്‍സ് നേടിയതോടെ ഏകദിനത്തിലെ മികച്ച പ്രകടനം കാഴ്ചവെച്ചു. ഈ സീസണില്‍ ആഭ്യന്തര ക്രിക്കറ്റിലും താരം മികച്ച പ്രകടനമാണ് താരം കാഴ്ചവെയ്ക്കുന്നത് വിജയ് ഹസാരെ ട്രോഫിയില്‍ മുംബൈയ്ക്കായി രണ്ട് സെഞ്ച്വറികള്‍ താരം നേടി.
'2023 ല്‍ ഇന്ത്യയില്‍ നടന്ന ലോകകപ്പില്‍ മികച്ച പ്രകടനമാണ് ശ്രേയസ് നടത്തിയത്. മധ്യനിരയില്‍ അദ്ദേഹം മനോഹരമായി കളിച്ചു. ഏകദിനത്തില്‍ താരം സ്ഥാനം ഉറപ്പിച്ചെന്ന് അപ്പോള്‍ തോന്നിയിരുന്നു' ഐസിസി റിവ്യൂവില്‍ പോണ്ടിങ് പറഞ്ഞു. രണ്ട് തവണ പരിക്കേറ്റ് പുറത്തായെങ്കിലും, താരം മികച്ച രീതിയില്‍ ആഭ്യന്തര സീസണ്‍ കളിച്ചെന്നും പോണ്ടിങ് പറഞ്ഞു. ഫെബ്രുവരി 19 ന് പാകിസ്ഥാനിലും ദുബായിലും ആരംഭിക്കുന്ന ചാംപ്യന്‍സ് ട്രോഫിയില്‍ ശ്രേയസ് മികച്ച പ്രകടനം കാഴ്ചവയ്ക്കുമെന്നും പോണ്ടിങ് പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
