വിക്കറ്റുകള്‍ അതിവേഗം! റെക്കോര്‍ഡിട്ട് റബാഡ

ബംഗ്ലാദേശിനെതിരായ ഒന്നാം ക്രിക്കറ്റ് ടെസ്റ്റില്‍ 3 വിക്കറ്റുകള്‍ വീഴ്ത്തി ടെസ്റ്റില്‍ പുതിയ റെക്കോര്‍ഡ് സ്വന്തമാക്കി റബാഡ.

ടെസ്റ്റില്‍ അതിവേഗം 300 വിക്കറ്റുകള്‍ (പന്തുകളുടെ എണ്ണം അടിസ്ഥാനത്തില്‍) തികയ്ക്കുന്ന താരമെന്ന റെക്കോര്‍ഡ് ഇനി റബാഡയ്ക്ക്.

ടെസ്റ്റില്‍ ഇതുവരെയായി താരം 11817 പന്തുകള്‍ ഏറിഞ്ഞു. ഈ പന്തുകളില്‍ നിന്നാണ് താരം 300 വിക്കറ്റുകള്‍ വീഴ്ത്തിയത്.

വഖാര്‍ യൂനിസിന്റെ പേരിലായിരുന്നു ഈ റെക്കോര്‍ഡ്. 12602 പന്തുകള്‍ എറിഞാണ് പാക് ഇതിഹാസം 300 വിക്കറ്റുകള്‍ വീഴ്ത്തിയത്.

ദക്ഷിണാഫ്രിക്കന്‍ ഇതിഹാസങ്ങളായ ഡെയ്ല്‍ സ്റ്റെയ്ന്‍, അലന്‍ ഡൊണാള്‍ഡ് എന്നിവരെ റബാഡ നേട്ടത്തില്‍ പിന്തള്ളി. ഇരുവരും പട്ടികയില്‍ 3, 4 സ്ഥാനങ്ങളില്‍.

കരിയറില്‍ 65ാം ടെസ്റ്റിലാണ് താരം റെക്കോര്‍ഡ് തൊട്ടത്. 116 ഇന്നിങ്‌സുകള്‍ പന്തെറിഞ്ഞ റബാഡയ്ക്ക് നിലവില്‍ 65 മത്സരങ്ങളില്‍ നിന്നു 302 വിക്കറ്റുകള്‍.