ന്യൂഡല്‍ഹി: ഇന്ത്യന്‍ ക്രിക്കറ്റ് ടീം മുഖ്യപരിശീലകന്‍ രാഹുല്‍ ദ്രാവിഡ് കോവിഡ് മുക്തനായി. കോവിഡ് നെഗറ്റീവായതോടെ ദ്രാവിഡ് ഏഷ്യാ കപ്പിനുള്ള ഇന്ത്യന്‍ സംഘത്തിനൊപ്പം ചേര്‍ന്നു.
താത്കാലിക പരിശീലകനായി ഇന്ത്യന്‍ ടീമിനൊപ്പം ദുബായിലേക്ക് പോയ വിവിഎസ് ലക്ഷ്മണ്‍ തിരികെ ബെംഗളൂരുവിലേക്ക് എത്തി. ദ്രാവിഡ് ടീമിനൊപ്പം ചേര്‍ന്നതോടെയാണ് ഇത്. പാകിസ്ഥാനെതിരായ മത്സരത്തിന് മുന്‍പ് ദ്രാവിഡിന് ടീമിനൊപ്പം ചേരാനായത് ഇന്ത്യക്ക് ഗുണം ചെയ്യും.
വിവിഎസ് ലക്ഷ്മണ്‍ ഇന്ത്യ എ ടിമിന്റെ ന്യൂസിലന്‍ഡിനെതിരായ പരമ്പരയില്‍ മേല്‍നോട്ടം വഹിക്കും. ഏഷ്യാ കപ്പിനായി ഇന്ത്യന്‍ സംഘം യുഎഇയിലേക്ക് പുറപ്പെടുന്നതിന് മുന്‍പായാണ് ഓഗസ്റ്റ് 23ന് ദ്രാവിഡിന് കോവിഡ് സ്ഥിരീകരിച്ചത്. ഇതോടെ അദ്ദേഹം ഹോം ഐസൊലേഷനിലായിരുന്നു. ചെറിയ കോവിഡ് ലക്ഷണങ്ങള്‍ മാത്രമാണ് ദ്രാവിഡിനുള്ളതെന്ന് ബിസിസിഐ സെക്രട്ടറി ജയ് ഷായും അറിയിച്ചിരുന്നു.
ഈ വാർത്ത കൂടി വായിക്കൂ
സമകാലിക മലയാളം ഇപ്പോൾ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
