മുംബൈ: രഞ്ജി ട്രോഫി കളിക്കാനിറങ്ങിയ ഇന്ത്യന്‍ താരങ്ങളില്‍ സന്തോഷിക്കാന്‍ വക കിട്ടിയത് രവീന്ദ്ര ജഡേജയ്ക്ക് മാത്രം. ഡല്‍ഹിക്കെതിരായ രഞ്ജി പോരാട്ടത്തില്‍ സൗരാഷ്ട്രയ്ക്കായി ഇറങ്ങിയ ജഡേജ 5 വിക്കറ്റുകള്‍ വീഴ്ത്തി തിളങ്ങി.
മുംബൈക്കായി കളത്തിലെത്തിയ ഇന്ത്യന്‍ ക്യാപ്റ്റന്‍ രോഹിത് ശര്‍മ (3), യശസ്വി ജയ്‌സ്വാള്‍ (4), ഡല്‍ഹിക്കായി കളത്തിലെത്തിയ ഋഷഭ് പന്ത് (1), പഞ്ചാബിനായി ഇറങ്ങിയ ശുഭ്മാന്‍ ഗില്‍ (4) എന്നിവര്‍ക്കെല്ലാം നിരാശയായിരുന്നു ഫലം.
പന്തടക്കമുള്ള താരങ്ങളെ വീഴ്ത്തിയാണ് ജഡേജ 5 വിക്കറ്റ് നേട്ടം ആഘോഷിച്ചത്. താരത്തിന്റെ മികവില്‍ ഡല്‍ഹിയുടെ പോരാട്ടം 188 റണ്‍സില്‍ അവസാനിപ്പിക്കാന്‍ സൗരാഷ്ട്രയ്ക്ക് സാധിച്ചു.
സിദ്ധാര്‍ഥിന് 9 വിക്കറ്റുകള്‍
ഉത്താരാഖണ്ഡിനെതിരായ പോരാട്ടത്തില്‍ സിദ്ധാര്‍ഥ് ദേശായി 9 വിക്കറ്റുകള്‍ നേടി. 10 വിക്കറ്റുകളും നേടാന്‍ താരത്തിനു സാധിച്ചില്ല. ശേഷിച്ച ഒരു വിക്കറ്റ് ഹര്‍ഷ് പട്‌വാള്‍ പോക്കറ്റിലാക്കി. 36 റണ്‍സ് മാത്രം വഴങ്ങിയാണ് താരം 9 വിക്കറ്റുകളും നേടിയത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
