10 കളി, വീഴ്ത്തിയത് 69 വിക്കറ്റുകൾ! ഹർഷ് ദുബെ എഴുതി, രഞ്ജിയിൽ പുതു ചരിത്രം

നാ​ഗ്പുർ: രഞ്ജി ട്രോഫി ക്രിക്കറ്റിൽ പുതു ചരിത്രമെഴുതി വിദർഭയുടെ ഇടം കൈയൻ സ്പിന്നർ ഹർഷ് ​ദുബെ. ഒരു രഞ്ജി സീസണിൽ ഏറ്റവും കൂടുതൽ വിക്കറ്റ് വീഴ്ത്തുന്ന ബൗളറെന്ന റെക്കോർഡ് ഇനി താരത്തിനു സ്വന്തം.

കേരളത്തിനെതിരായ ഫൈനലിൽ 3 വിക്കറ്റുകൾ കൊയ്താണ് ഹർഷ് ദുബെ നേട്ടം തൊട്ടത്. 10 മത്സരങ്ങളിൽ നിന്നു 19 ഇന്നിങ്സുകൾ പന്തെറിഞ്ഞ് താരം ഇത്തവണ വീഴ്ത്തിയത് 69 വിക്കറ്റുകൾ.

ചാമ്പ്യൻസ് ട്രോഫിയിൽ വില്ലനായി മഴ; ഓസ്ട്രേലിയ സെമിയിൽ

2019 സീസണിൽ ബിഹാർ താരം അശുതോഷ് അമൻ നേടിയ 68 വിക്കറ്റുകളുടെ റെക്കോർഡാണ് ഹർഷ് പഴങ്കഥയാക്കിയത്. കേരളത്തിന്റെ ആദിത്യ സാർവതെ, സൽമാൻ നിസാർ, എംഡി നിധീഷ് എന്നിവരുടെ വിക്കറ്റുകളാണ് ഹർഷ് ​ദുബെ വീഴ്ത്തിയത്.