ബംഗലൂരു: വാഹനാപകടത്തില്‍ പരിക്കേറ്റ് ചികിത്സയിലായിരുന്ന യുവ വിക്കറ്റ് കീപ്പര്‍ ഋഷഭ് പന്ത് കളിക്കളത്തിലേക്ക് മടങ്ങി വരവിനൊരുങ്ങുന്നു. ബംഗലൂരു ചിന്നസ്വാമി സ്റ്റേഡിയത്തില്‍ താരം ഇന്നലെ 20 മിനിറ്റോളം ബാറ്റിങ്ങ് പരിശീലനം നടത്തി. ഇന്ത്യന്‍ ടീം പരിശീലനത്തിന് എത്തുന്നതിന് തൊട്ടുമുമ്പായിരുന്നു പന്ത് പരിശീലനം നടത്തിയത്.
2022 ല്‍ നടന്ന കാര്‍ അപകടത്തിന് ശേഷം പരിക്കില്‍ നിന്നും മുക്തനായി വരുന്ന ഋഷഭ് പന്ത്, നിലവില്‍ ബംഗലൂരു നാഷണല്‍ ക്രിക്കറ്റ് അക്കാദമിയില്‍ വിദഗ്ധ ചികിത്സയിലാണ്. എന്‍സിഎ സ്റ്റാഫ് അംഗങ്ങള്‍ പന്തിന് പന്തെറിഞ്ഞു കൊടുത്തു. ഓഫ്‌സൈഡില്‍ ഏതാനും ഷോട്ടുകളും പന്ത് കളിച്ചു.
തുടര്‍ന്ന് ഇന്ത്യന്‍ ടീം പ്രാക്ടീസിനെത്തിയപ്പോള്‍ വിരാട് കോഹ് ലി, റിങ്കു സിങ്, രോഹിത് ശര്‍മ്മ തുടങ്ങിയവരോട് അല്‍പ്പനേരം കുശലവും പറഞ്ഞിട്ടാണ് പന്ത് മൈതാനം വിട്ടത്.
ഈ വര്‍ഷം ഐപിഎല്ലില്‍ ഋഷഭ് പന്ത് കളിച്ചേക്കുമെന്നാണ് പ്രതീക്ഷിക്കപ്പെടുന്നത്. ഡല്‍ഹി ഡെയര്‍ഡെവിള്‍സ് നായകനായി പന്തിനെ നിയമിച്ചിട്ടുണ്ട്. പന്ത് വളരെയധികം മെച്ചപ്പെട്ടു വരുന്നതായും, ഈ സീസണില്‍ ഐപിഎല്ലില്‍ കളിക്കുമെന്നാണ് കരുതുന്നതെന്നും ഡല്‍ഹി ഡെയര്‍ഡെവിള്‍സ് ക്രിക്കറ്റ് ഡയറക്ടര്‍ സൗരവ് ഗാംഗുലി പറഞ്ഞു.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
