ചെന്നൈ: ചെപ്പോക്കില്‍ നാലാം ദിനം ഇംഗ്ലണ്ട് ബാറ്റിങ് ആരംഭിച്ചപ്പോള്‍ തന്നെ ലോറന്‍സിനെ മടക്കി ആര്‍ അശ്വിന്‍. ഇതോടെ 66-4ലേക്ക് ഇംഗ്ലണ്ട് വീണു. റൂട്ടും, ബെന്‍ സ്റ്റോക്ക്‌സും ക്രീസില്‍ തുടരുന്നതാണ് ഇംഗ്ലണ്ടിന് നേരിയ പ്രതീക്ഷ നല്‍കുന്നത്.
45 പന്തില്‍ നിന്ന് 19 റണ്‍സുമായാണ് റൂട്ട് ക്രീസില്‍. 28 പന്തില്‍ നിന്ന് സ്റ്റോക്ക്‌സ് ഇതുവരെ നേടിയത് ഏഴ് റണ്‍സ്. അശ്വിന്റെ ഡെലിവറിയില്‍ റിഷഭ് പന്തിന്റെ സ്റ്റംപിങ്ങോടെയാണ് ലോറന്‍സിന് മടങ്ങേണ്ടി വന്നത്. 53 പന്തില്‍ നിന്ന് 26 റണ്‍സ് എടുത്ത് നില്‍ക്കുകയായിരുന്നു ലോറന്‍സ്.
ബേണ്‍സ്, സിബ്ലി, ജാക്ക് ലീച്ച് എന്നിവരുടെ വിക്കറ്റ് മൂന്നാം ദിനത്തില്‍ ഇംഗ്ലണ്ടിന് നഷ്ടമായിരുന്നു. നാല് വിക്കറ്റ് നഷ്ടത്തില്‍ 88 റണ്‍സ് എന്ന നിലയില്‍ നില്‍ക്കുന്ന ഇംഗ്ലണ്ടിന് മുന്‍പില്‍ 394 റണ്‍സാണ് ഉള്ളത്. തോല്‍വി ഒഴിവാക്കാന്‍ 165 ഓവര്‍ രണ്ട് ദിവസങ്ങളിലായി ഇംഗ്ലണ്ട് ബാറ്റ് ചെയ്യണം.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
