രോഹിത്തും കോഹ്ലിയും ട്വന്റി20യില് നിന്ന് വിരമിച്ചേക്കും: രവി ശാസ്ത്രി
ന്യൂഡല്ഹി: ട്വന്റി20 ക്രിക്കറ്റിലെ ഇന്ത്യയുടെ എക്കാലത്തേയും മികച്ച ബാറ്റിങ് ലൈനപ്പ് ആണ് ഇപ്പോഴുള്ളതെന്ന് ഇന്ത്യന് മുന് പരിശീലകന് രവി ശാസ്ത്രി. രോഹിത് ശര്മയും വിരാട് കോഹ്ലിയും ദിനേശ് കാര്ത്തിക്കും ലോകകപ്പോടെ ട്വന്റി20യില് നിന്ന് വിരമിക്കല് പ്രഖ്യാപിച്ചേക്കും എത്തും രവി ശാസ്ത്രി പറഞ്ഞു.
ഏഴ് വര്ഷം ഞാന് ടീമിന്റെ ഭാഗമായിരുന്നു. ഇപ്പോള് പുറത്ത് നിന്ന് നോക്കിക്കാണുന്നു. യുവത്വവും പരിചയസമ്പത്തും നിറഞ്ഞ ഇന്ത്യയുടെ എക്കാലത്തേയും മികച്ച ട്വന്റി20 ബാറ്റിങ് ലൈനപ്പ് ആണ് ഇത്. ഹര്ദിക് അഞ്ചാമതും കാര്ത്തിക്ക് അല്ലെങ്കില് ഋഷഭ് പന്ത് ആറാമതും വരുന്നു. അത് ടീമിന് വലിയ വ്യത്യാസം കൊണ്ടുവരുന്നതാണ്. കഴിഞ്ഞ 5-6 വര്ഷമായി ഇന്ത്യക്കുണ്ടായിരുന്ന പോരായ്മ 4,5,6 സ്ഥാനങ്ങളിലെ മികച്ച ബാറ്റേഴ്സ് ആണ്, രവി ശാസ്ത്രി പറയുന്നു.
പവര്പ്ലേയില് രണ്ട് വിക്കറ്റ് പോയാലും പ്രശ്നമില്ല
''ഇപ്പോള് സൂര്യ നാലാമത് വരുന്നു. ഇതിലൂടെ ടോപ് ഓര്ഡര് ബാറ്റേഴ്സിന് അവരുടെ ശൈലിയില് കളിക്കാന് സാധിക്കും. പവര്പ്ലേയില് രണ്ട് വിക്കറ്റ് പോയാലും ബൗളര്മാരെ ആക്രമിച്ച് കളിക്കാനുള്ള ശേഷി ബാറ്റിങ് നിരയ്ക്കുണ്ട്. ഏറെ കാലം അതിന് നമുക്ക് സാധിച്ചിരുന്നില്ല.''
ശ്രദ്ധിക്കേണ്ട വിഭാഗം ഫീല്ഡിങ്ങാണ്. ഫീല്ഡിങ്ങിലൂടെ സേവ് ചെയ്യുന്ന 15-20 റണ്സ് പ്രധാനപ്പെട്ടതാണ്. ഓസ്ട്രേലിയയും ഇംഗ്ലണ്ടും ന്യൂസിലന്ഡും സൗത്ത് ആഫ്രിക്കയുമെല്ലാം ഫീല്ഡിങ്ങില് മികവ് കാണിക്കുന്നു. ഫീല്ഡിങ് മികവിലൂടെയാണ് ശ്രീലങ്ക ഏഷ്യാ കപ്പ് ജയിച്ചതെന്നും രവി ശാസ്ത്രി ചൂണ്ടിക്കാണിക്കുന്നു.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്ട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള് അറിയാന് ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
