ഗുവാഹത്തില്‍: ദക്ഷിണാഫ്രിക്കയ്‌ക്കെതിരായ രണ്ടാം ടെസ്റ്റില്‍ ഒരു ഇന്ത്യന്‍ താരത്തിന്റെ രണ്ടാമത്തെ വേഗം കുറഞ്ഞ ഇന്നിങ്‌സ് കളിച്ച് സായ് സുദര്‍ശശന്‍. രണ്ടാം ടെസ്റ്റില്‍ 139 പന്തില്‍ നിന്ന് 14 റണ്‍സ് നേടിയ താരത്തിന്റെ ഇന്നിങ്‌സ് ഇന്ത്യന്‍ താരങ്ങളുടെ വേഗം കുറഞ്ഞ ഇന്നിങ്‌സുകളുടെ പട്ടികയില്‍ രണ്ടാമതാണ്.
1981 ല്‍ ഓസ്ട്രേലിയയ്ക്കെതിരെ യശ്പാല്‍ ശര്‍മ 157 പന്തില്‍ നിന്ന് 13 റണ്‍സ് നേടിയ ഇന്നിങ്‌സാണ് പട്ടികയില്‍ ഒന്നാമത്. രണ്ടാം ടെസ്റ്റിന്റെ നാലാം ഇന്നിങ്സില് സായ് സുദര്‍ശന്റെ ഇന്നിങ്സില് ഒരു ബൗണ്ടറി മാത്രമേ ഉണ്ടായിരുന്നുള്ളു.
മത്സരത്തിന്റെ അവസാന ദിനമായ ഇന്ന് മുത്തുസാമിയുടെ പന്തിലാണ് താരം പുറത്താകുന്നത്. ഓഫ് സ്റ്റമ്പിന് പുറത്ത് വന്ന പന്ത് എഡ്‌ജെടുത്ത് ഫസ്റ്റ് സ്ലിപ്പില്‍ മര്‍ക്രത്തിന്റെ കൈകളിലെത്തുകയായിരുന്നു. മത്സരത്തില്‍ എട്ടാമത്തെ ക്യാച്ചെടുത്ത മര്‍ക്രം ക്യാച്ചില്‍ റെക്കോര്‍ഡും ഇട്ടു. ഒരു ടെസ്റ്റ് മത്സരത്തില്‍ കൂടുതല്‍ ക്യാച്ചെടുക്കുന്ന ദക്ഷിണാഫ്രിക്കന്‍ താരം എന്ന റെക്കോര്‍ഡാണ് മര്‍ക്രം നേടിയത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
