ലഖ്‌നൗ: ഇറാനി കപ്പില്‍ ഇരട്ട സെഞ്ച്വറി നേടി സര്‍ഫറാസ് ഖാന്‍ ഇന്ത്യന്‍ ടെസ്റ്റ് ടീമിലെ തന്റെ സ്ഥിര സാന്നിധ്യം ഉറപ്പക്കാനുള്ള അടിത്തറ കൂടുതല്‍ ബലപ്പെടുത്തി. അപൂര്‍വ നേട്ടവുമായാണ് താരം ക്രീസ് അടക്കി വാണത്.
റസ്റ്റ് ഓഫ് ഇന്ത്യക്കെതിരായ പോരാട്ടത്തില്‍ താരം 286 പന്തുകള്‍ നേരിട്ട് 222 റണ്‍സാണ് അടിച്ചെടുത്തത്. പുറത്താകാതെ നിന്നാണ് താരം ഇരട്ട ശതകം തൊട്ടത്.
ഇതോടെ മുംബൈക്കായി ഇറാനി കപ്പില്‍ ഇരട്ട സെഞ്ച്വറി നേടുന്ന ആദ്യ താരമായി സര്‍ഫറാസ് മാറി. മാത്രമല്ല താരത്തിന്റെ ആവറേജും നേട്ടത്തിന്റെ പട്ടികയില്‍ ഇടം പിടിച്ചു.
ഫസ്റ്റ് ക്ലാസ് ക്രിക്കറ്റില്‍ ഏറ്റവും മികച്ച ആവറേജുള്ള, 2000, അതിനു മുകളില്‍ റണ്‍സുള്ള ഇതിഹാസ താരങ്ങളുടെ പട്ടികയില്‍ സര്‍ഫറാസും പേരെഴുതി ചേര്‍ത്തു. മത്സരത്തില്‍ 69.20 ആയിരുന്നു താരത്തിന്റെ ആവറേജ്. സാക്ഷാല്‍ ഡോണ്‍ ബ്രാഡ്മാന്‍, വിജയ് മര്‍ച്ചന്റ് എന്നിവര്‍ക്കൊപ്പമാണ് നാലാമനായി സര്‍ഫറാസ് ഇടം കണ്ടത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
