മുംബൈ: ഇന്ത്യന് വനിതാ ടീമില് ഇടം ഇല്ലെങ്കിലും ഓപ്പണര് ഷെഫാലി വര്മയുടെ വെടിക്കെട്ട് ബാറ്റിങിനു മാറ്റമില്ല. സീനിയര് വനിതാ ക്രിക്കറ്റ് പോരാട്ടത്തില് ബംഗളിനെതിരായ ക്വാര്ട്ടറില് ഹരിയാന ക്യാപ്റ്റന് കൂടിയായ ഷെഫാലി അടിച്ചെടുത്തത് 115 പന്തില് 197 റണ്സ്!
22 ഫോറും 11 സിക്സും സഹിതമാണ് വെടിക്കെട്ട്. ക്യാപ്റ്റന്റെ വെടിക്കെട്ട് ബലത്തില് ഹരിയാന 5 വിക്കറ്റ് നഷ്ടത്തില് 389 റണ്സടിച്ചു. എന്നാല് ബംഗാള് 49.1 ഓവറില് 5 വിക്കറ്റ് നഷ്ടത്തില് 390 റണ്സ് എടുത്ത് ജയിച്ചു കയറി എന്നതാണ് ശ്രദ്ധേയം.
വനിതാ ടി20 ലോകകപ്പിനു ശേഷം ഷെഫാലി ഇന്ത്യന് ടീമില് കളിച്ചിട്ടില്ല. ഇപ്പോള് നടത്തുന്ന വിന്ഡീസിനെതിരായ പോരാട്ടത്തിലടക്കം താരം പുറത്താണ്. ഷെഫാലി ഉടന് തന്നെ തിരിച്ചെത്തുമെന്നും ടീമിലെ അവിഭാജ്യ ഘടകമാണ് താരമെന്നും ക്യാപ്റ്റന് ഹര്മന്പ്രീത് കൗര് വ്യക്തമാക്കിയിരുന്നു.
സീനിയര് വനിതാ പോരാട്ടത്തില് ഷെഫാലി മിന്നും ഫോമിലാണ് ബാറ്റ് വീശിയത്. 7 മത്സരങ്ങളില് താരം 527 റണ്സാണ് അടിച്ചെടുത്തത്. രണ്ട് വീതം സെഞ്ച്വറികളും അര്ധ സെഞ്ച്വറികളും താരം നേടി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
