സിഡ്‌നി: 24ാം ഗ്രാന്‍ഡ് സ്ലാം കിരീടം സ്വന്തമാക്കി ചരിത്രമെഴുതാനുള്ള അമേരിക്കന്‍ ഇതിഹാസം സെറീന വില്ല്യംസ് ഇനിയും കാത്തിരിക്കണം. ഓസ്‌ട്രേലിയന്‍ ഓപണ്‍ പോരാട്ടത്തില്‍ നിന്ന് ഇതിഹാസ താരം പുറത്തായി. സെമിയില്‍ ജപ്പാന്‍ സെന്‍സേഷന്‍ നവോമി ഒസാകയാണ് സെറീനയെ വീഴ്ത്തിയത്.
രണ്ട് സെറ്റ് നീണ്ട പോരാട്ടത്തില്‍ ഏറെക്കുറെ അനായാസമായാണ് ഒസാക വിജയം പിടിച്ചത്. സ്‌കോര്‍ 6-3, 6-4.
24 ഗ്രാന്‍ഡ് സ്ലാം കിരീടങ്ങള്‍ സ്വന്തമായുള്ള മാര്‍ഗരറ്റ് കോര്‍ട്ടിന്റെ റെക്കോര്‍ഡിനൊപ്പമെത്താനുള്ള ശ്രമം വീണ്ടും പരാജയപ്പെടുകയായിരുന്നു. 2017ല്‍ ഓസ്‌ട്രേലിയന്‍ ഓപണ്‍ നേടി 23ാം ഗ്രാന്‍ഡ് സ്ലാം സ്വന്തമാക്കിയ സെറീനയ്ക്ക് 24 ഗ്രാന്‍ഡ് സ്ലാം നേട്ടം തികയ്ക്കാന്‍ ഇതുവരെ സാധിച്ചിട്ടില്ല. അതിനിടെ 2018, 19 വര്‍ഷങ്ങളിലെ യുഎസ്, വിംബിള്‍ഡന്‍ പോരാട്ടങ്ങളില്‍ ഫൈനലിലെത്തിയെങ്കിലും നാല് തവണയും തോല്‍വിയായിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
