ന്യൂഡല്ഹി: വിട്ടുമാറാത്ത പനിയെ തുടര്ന്ന് ഇന്ത്യയുടെ ടോക്യോ ഒളിംപിക്സിലെ സ്വര്ണ മെഡല് ജേതാവ് നീരജ് ചോപ്രയെ ആശുപത്രിയില് പ്രവേശിപ്പിച്ചു. പാനിപത്തില് നടന്ന സ്വീകരണ ചടങ്ങ് പാതി വഴിയില് നിര്ത്തിയാണ് നീരജിനെ ആശുപത്രിയില് എത്തിച്ചത്.
ഏതാനും ദിവസമായി നീരജിന് കടുത്ത പനി തുടരുകയാണ്. എന്നാല് കോവിഡ് പരിശോധനാ ഫലം നെഗറ്റീവായിരുന്നു. പാനിപത്തിലെ സ്വീകരണ ചടങ്ങിന് ഇടയില് ദേഹാസ്വാസ്ഥ്യം ഉണ്ടായതിനെ തുടര്ന്ന് നീരജ് വേദിയില് നിന്ന് ഇറങ്ങുകയായിരുന്നു.
പനി കുറയുകയും കോവിഡ് ഫലം നെഗറ്റീവ് ആവുകയും ചെയ്തതിനെ തുടര്ന്ന് ഞായറാഴ്ച സ്വാതന്ത്ര്യദിനാഘോഷത്തില് പ്രധാനമന്ത്രിക്കൊപ്പം നീരജ് പങ്കെടുത്തു. എന്നാല് പിന്നാലെ പനി കൂടി. ഡല്ഹിയില് നിന്ന് തുടങ്ങിയ കാര് റാലിയോടെയാണ് ആറ് മണിക്കൂര് സഞ്ചരിച്ചാണ് നീരജ് പാനിപത്തിലെത്തിയത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
