കൊല്‍ക്കത്ത: ഇത്തവണ ഐപില്‍ കളിക്കാന്‍ എത്തില്ലെന്ന് വ്യക്തമാക്കി ബംഗ്ലാദേശ് ക്യാപ്റ്റന്‍ ഷാകിബ് അല്‍ ഹസന്‍. കൊല്‍ക്കത്ത നൈറ്റ്‌റൈഡേഴ്‌സാണ് താരത്തെ സ്വന്തമാക്കിയത്. ഷാബിക് എത്തില്ലെന്ന് വ്യക്തമായതോടെ കൊല്‍ക്കത്ത പുതിയ ഓള്‍റൗണ്ടര്‍ക്കായുള്ള തിരച്ചിലും തുടങ്ങി.
അന്താരാഷ്ട്ര മത്സരങ്ങള്‍ കളിക്കാനുള്ളതും വ്യക്തിപരമായ ചില കാര്യങ്ങളും ചൂണ്ടിക്കാട്ടിയാണ് താരത്തിന്റെ പിന്‍മാറ്റം. അതേസമയം കെകെആറിലെ മറ്റൊരു ബംഗ്ലാദേശ് താരം ലിറ്റന്‍ ദാസ് ഈയാഴ്ച ടീമിനൊപ്പം ചേരുമെന്നും റിപ്പോര്‍ട്ടുണ്ട്. 1.5 കോടിക്കാണ് ഇത്തവണ ഷാകിബിനെ ടീം സ്വന്തമാക്കിയത്.
ആദ്യ മത്സരത്തില്‍ പഞ്ചാബ് കിങ്‌സിനോട് ഏഴ് റണ്‍സിന് കൊല്‍ക്കത്ത പരാജയപ്പെട്ടിരുന്നു. മഴ കളി മുടക്കിയപ്പോള്‍ ഡെക്ക്‌വര്‍ത്ത് ലൂയീസ് നിയമമനുസരിച്ചായിരുന്നു തോല്‍വി. മൂന്ന് വര്‍ഷത്തെ ഇടവേളയ്ക്ക് ശേഷം കൊല്‍ക്കത്ത സ്വന്തം തട്ടകമായ ഈഡന്‍ ഗാര്‍ഡന്‍സില്‍ കളിക്കാനിറങ്ങുകയാണ് കെകെആര്‍. ആദ്യ മത്സരത്തില്‍ തകര്‍പ്പന്‍ ജയം സ്വന്തമാക്കി എത്തുന്ന റോയല്‍ ചലഞ്ചേഴ്‌സ് ബാംഗ്ലൂരാണ് എതിരാളികള്‍.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
