ലണ്ടന്‍: ഇംഗ്ലണ്ടിനെതിരായ പരമ്പരയിലെ ആദ്യ ടെസ്റ്റില്‍ ഡിആര്‍എസ് എടുക്കാന്‍ കോഹ്‌ലിയെ നിര്‍ബന്ധിക്കുന്ന ഋഷഭ് പന്തിന്റെ വീഡിയോയാണ് സമൂഹമാധ്യമങ്ങളില്‍ വൈറലായിരുന്നത്. എന്നാല്‍ രണ്ടാം ടെസ്റ്റിലേക്ക് എത്തിയപ്പോള്‍ ഡിആര്‍എസ് എടുക്കേണ്ട എന്ന് കോഹ് ലിയെ ബോധ്യപ്പെടുത്താന്‍ ശ്രമിക്കുന്ന പന്താണ് ആരാധകര്‍ക്ക് കൗതുകമാവുന്നത്.
ലോര്‍ഡ്‌സില്‍ ഇംഗ്ലണ്ടിന്റെ ഒന്നാം ഇന്നിങ്‌സില്‍ റൂട്ടിനെ മടക്കാനാണ് ഇന്ത്യയുടെ ഭാഗത്ത് നിന്നും തീവ്ര ശ്രമമുണ്ടായത്. റൂട്ടിനെ വിക്കറ്റിന് മുന്‍പില്‍ കുടുക്കിയതിന് പിന്നാലെ റിവ്യു എടുക്കാന്‍ സിറാജ് കോഹ് ലിയോട് ആവശ്യപ്പെട്ടു.
എന്നാല്‍ റിവ്യു എടുക്കുന്നതില്‍ നിന്ന് കോഹ്‌ലിയെ തടയുകയായിരുന്നു പന്ത്. ഇത് കണ്ട് കോഹ്‌ലിക്കും ചിരിയടക്കാനായില്ല. പക്ഷേ ഡിആര്‍എസ് എടുക്കാനായിരുന്നു കോഹ്‌ലിയുടെ തീരുമാനം. റിവ്യുയില്‍ പന്ത് ഓഫ് സ്റ്റംപിന് പുറത്താണ് പിച്ച് ചെയ്യുന്നത് എന്ന് വ്യക്തമായി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
