ലണ്ടന്: ഇംഗ്ലണ്ട് പേസര് ജോഫ്ര ആര്ച്ചര് തിങ്കളാഴ്ച ശസ്ത്രക്രിയക്ക് വിധേയനായി. വലത് കൈ ഞരമ്പിനുള്ളില് ഇരുന്നിരുന്ന ഗ്ലാസ് കഷണം ശസ്ത്രക്രിയയിലൂടെ നീക്കം ചെയ്തു.
ജനുവരിയിലാണ് ആര്ച്ചറുടെ കൈക്ക് പരിക്കേറ്റത്. വീട്ടിലെ ഫിഷ് ടാങ്ക് വൃത്തിയാക്കാന് ശ്രമിക്കുമ്പോള് ടാങ്ക് പൊട്ടിയാണ് പരിക്കേറ്റത്. പരിക്കില് നിന്നാണ് ഇന്ത്യക്കെതിരായ ടെസ്റ്റ്, ടി20 പരമ്പരകള് ആര്ച്ചര് കളിച്ചത്.
ഇന്ത്യക്കെതിരെ നാല് ടെസ്റ്റുകള് ആര്ച്ചര് കളിച്ചു.5 ടി20കളിലും ഉള്പ്പെടുത്തിയതിന് പിന്നാലെ ഏകദിന പരമ്പരയില് നിന്ന് പരിക്ക് വഷളായതിനെ തുടര്ന്ന് ആര്ച്ചറെ മാറ്റി നിര്ത്തി. ആര്ച്ചറുടെ പരിക്ക് രാജസ്ഥാന് റോയല്സിന് വലിയ ആശങ്ക നല്കുന്നു.
ഏപ്രില് 9നാണ് ഐപിഎല് ആരംഭിക്കുന്നത്. ഐപിഎല്ലിന്റെ തുടക്കം ആര്ച്ചര്ക്ക് നഷ്ടമാവും എന്നാണ് റിപ്പോര്ട്ട്. എന്നാല് ശസ്ത്രക്രിയക്ക് ശേഷം ഫിറ്റ്നസ് വീണ്ടെടുക്കാന് വൈകിയാല് ഇംഗ്ലണ്ട് പേസര്ക്ക് ഐപിഎല് നഷ്ടമാവും.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
