ഹെഡിങ്ലേ: ഇന്ത്യ-ഇംഗ്ലണ്ട് ടെസ്റ്റ് പരമ്പരയിലെ മൂന്നാമത്തെ മത്സരം ഇന്ന് ലീഡ്സില് ആരംഭിക്കും. അഞ്ച് ടെസ്റ്റുകളുടെ പരമ്പരയില് 1-0ന് മുന്പില് നില്ക്കുകയാണ് ഇന്ത്യ. ഹെഡിങ്ലേയില് ജയം പിടിച്ചാല് പരമ്പര തോല്വി എന്നത് ഇന്ത്യക്ക് ഒഴിവാക്കാം.
ബാറ്റിങ് നിരയുടെ താളപ്പിഴകളും ഇന്ത്യന് പേസ് ആക്രമണത്തിന്റെ മൂര്ച്ചയുമാണ് ഇംഗ്ലണ്ടിന് തലവേദന. സീം ബൗളര്മാരെ തുണയ്ക്കുന്നതാണ് ലീഡ്സിലെ പിച്ച്. നാല് പേസര്മാരുമായി തന്നെ ഇന്ത്യ മൂന്നാം ടെസ്റ്റിനും ഇറങ്ങാനാണ് സാധ്യത. എന്നാല് ഹെഡിങ്ലേയില് നെറ്റ്സില് ടെസ്റ്റിന്റെ തലേന്ന് ആര് അശ്വിന് ബൗളിങ് പരിശീലനം നടത്തിയിരുന്നു.
രവീന്ദ്ര ജഡേജയ്ക്ക് പകരം മൂന്നാം ടെസ്റ്റില് അശ്വിനെ ഇറക്കാന് ടീം മാനേജ്മെന്റ് മുതിരാന് സാധ്യത കുറവാണ്. പരിക്കില് നിന്ന് മുക്തനായി എത്തുന്ന ശര്ദുല് താക്കൂറിനും പ്ലേയിങ് ഇലവനില് ഇടം ലഭിക്കാന് പ്രയാസമാണ്. ഇന്ത്യയുടെ ഫസ്റ്റ് ചോയിസ് പേസറല്ലെങ്കിലും കഴിഞ്ഞ ടെസ്റ്റില് ജോ റൂട്ട്-മൊയിന് അലി കൂട്ടുകെട്ട് വളരാന് അനുവദിക്കാതെ തകര്ത്ത് ഇശാന്ത് ഇന്ത്യയെ കളിയിലേക്ക് തിരികെ കൊണ്ടുവന്നിരുന്നു.
കോഹ് ലിയുടെ സെഞ്ചുറി വരള്ച്ച ഹെഡിങ്ലേയില് അവസാനിക്കും എന്ന പ്രതീക്ഷയും ക്രിക്കറ്റ് പ്രേമികള്ക്കുണ്ട്. ആദ്യ രണ്ട് ടെസ്റ്റിലും മികച്ച സ്കോര് കണ്ടെത്താന് കോഹ് ലിക്ക് കഴിഞ്ഞിരുന്നില്ല. പൂജാരയെ മാറ്റി പകരം സൂര്യകുമാര് യാദവിനെ പ്ലേയിങ് ഇലവനിലേക്ക് കൊണ്ടുവരുമോ എന്ന ചോദ്യവും ഉയരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
