ന്യൂഡല്ഹി: ഐസിസി ടി20 റാങ്കില് പത്താം സ്ഥാനത്തേക്ക് പിന്തള്ളപ്പെട്ട് ഇന്ത്യന് നായകന് സൂര്യകുമാര് യാദവ്. നാല് വര്ഷത്തിനിടെ ആദ്യമായാണ് റാങ്കിങ്ങില് ആദ്യ പത്തില് അവസാന സ്ഥാനത്തേക്ക് താരമെത്തുന്നത്. ഏറ്റവും പുതിയ റാങ്കിങ്ങിലാണ് 669 റേറ്റിങ് പോയിന്റുമായി താരം പത്താം സ്ഥാനത്തേക്ക് പിന്തള്ളപ്പെട്ടത്.
2023 ല് തന്റെ കരിയറിലെ ഏറ്റവും മികച്ച റേറ്റിങ്ങായ 912 പോയിന്റിലേക്ക് താരമെത്തിയിരുന്നു. എന്നാല് കഴിഞ്ഞ ഒരു വര്ഷത്തിനിടെ നേട്ടം ആവര്ത്തിക്കാന് താരത്തിന് കഴിഞ്ഞില്ല. 2025 ലെത്തുമ്പോള് 18 ഇന്നിങ്സുകളില് നിന്ന് 125.29 എന്ന ശരാശരി സ്ട്രൈക്ക് റേറ്റില് 14.2 എന്ന ശരാശരിയില് 213 റണ്സ് മാത്രമാണ് താരത്തിന് നേടനായത്.
ഇന്ത്യയുടെ ടി20 ഐ ക്യാപ്റ്റനെന്ന നിലയില് സൂര്യകുമാറിന്റ റെക്കോര്ഡ് മികച്ചതാണ്. 34 ഇന്നിങ്സുകളില് നിന്ന് 152.25 സ്ട്രൈക്ക് റേറ്റില് 743 റണ്സ് നേടിയിട്ടുണ്ട്. ഒരു സെഞ്ച്വറിയും നാല് അര്ദ്ധസെഞ്ച്വറിയും ഇതില് ഉള്പ്പെടുന്നു. എന്നാല് 2023 ല് ഏഴ് മത്സരങ്ങളില് നിന്ന് 300 റണ്സാണ് താരം നേടിയത്. ഒരു സെഞ്ച്വറിയും രണ്ട് അര്ദ്ധസെഞ്ച്വറിയും ഉള്പ്പെടുന്നതാണിത്. ടി20 ലോകകപ്പിന് രണ്ട് മാസം മാത്രം ശേഷിക്കെ സൂര്യ എത്രയും വേഗം ഫോമിലേക്ക് തിരിച്ചെത്തുമെന്നാണ് ഇന്ത്യയുടെ പ്രതീക്ഷ.
പുതിയ റാങ്കിങ്ങില് 909 റേറ്റിങ് പോയിന്റുമായി അഭിഷേക് ശര്മ ഒന്നാം സ്ഥാനം നിലനിര്ത്തി. ദക്ഷിണാഫ്രിക്കയ്ക്കെതിരായ കഴിഞ്ഞ രണ്ട് ടി20 മത്സരങ്ങളിലെ മികച്ച പ്രകടനത്തിന് ശേഷം തിലക് വര്മ്മ രണ്ട് സ്ഥാനങ്ങള് മെച്ചപ്പെടുത്തി 774 റേറ്റിംഗ് പോയിന്റുമായി നാലാം സ്ഥാനത്തേക്ക് കയറി. പട്ടികയില് മൂന്നാം സ്ഥാനത്തുള്ള ശ്രീലങ്കയുടെ നിസ്സങ്കയേക്കാള് അഞ്ച് പോയിന്റ് മാത്രം പിന്നിലാണ് തിലക് വര്മ.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
