ജയിക്കാൻ വേണ്ടത് 13 പന്തിൽ 3 റൺസ് മാത്രം; പെട്ടെന്ന് കളി നിർത്തി അംപയർമാർ! അമ്പരന്ന് താരങ്ങൾ

വനിതാ ബി​ഗ് ബാഷിൽ വിവാ​ദം
Sydney Thunder vs Adelaide Strikers WBBL Match
WBBL
Updated on
1 min read

സിഡ്നി: വനിതാ ബി​ഗ് ബാഷ് ലീ​ഗിൽ അഡ്‌ലെയ്ഡ്‌ സ്ട്രൈക്കേഴ്സ്- സിഡ്നി തണ്ടർ പോരാട്ടം അപ്രതീക്ഷിതമായി ഉപേക്ഷിച്ചതിൽ വിവാദം. വെള്ളിയാഴ്ച അരങ്ങേറിയ പോരാട്ടമാണ് വിവാദമായത്. അഡ്‌ലെയ്ഡ്‌ ഓവലിൽ നടന്ന പോരാട്ടം മഴയെ തുടർന്നു 5 ഓവറാക്കി ചുരുക്കിയിരുന്നു. സിഡ്നി തണ്ടർ ടീമിനു ജയിക്കാൻ 13 പന്തിൽ 3 റൺസ് മാത്രം വേണമെന്നിരിക്കെയാണ് അപ്രതീക്ഷിതമായി മത്സരം അവസാനിപ്പിക്കാൻ അമ്പയർമാർ തീരുമാനിച്ചത്.

മത്സരത്തിൽ ആദ്യം ബാറ്റ് ചെയ്ത അഡ്‌ലെയ്ഡ്‌ സ്ട്രൈക്കേഴ്സ് 5 ഓവറിൽ 45 റൺസാണ് നേടിയത്. രണ്ട് വിക്കറ്റ് നഷ്ടത്തിലാണ് ടീം 45ൽ എത്തിയത്. 46 റൺസ് ലക്ഷ്യത്തിലേക്ക് മറുപടി പറയാനിറങ്ങിയ സിഡ്നി 2.5 ഓവറിൽ വിക്കറ്റ് നഷ്ടമില്ലാതെ 43 റൺസിലെത്തി നിൽക്കുമ്പോഴാണ് നാടകീയ സംഭവങ്ങൾ അരങ്ങേറിയത്.

Sydney Thunder vs Adelaide Strikers WBBL Match
'രോ- കോ' സഖ്യം ലോകകപ്പ് കളിക്കുമോ? ബിസിസിഐ നിര്‍ണായക യോഗം

15 പന്തിൽ 38 റൺസുമായി ക്യാപ്റ്റൻ ഫോബി ലിച്ഫീൽഡിന്റെ വെടിക്കെട്ട് ബലത്തിൽ അതിവേ​ഗം സിഡ്നി ലക്ഷ്യത്തിലേക്ക് നീങ്ങുകയായിരുന്നു. സഹ ഓപ്പണർ ജോർജിയ വോൾ 2 പന്തിൽ 5 റൺസുമായും നിൽക്കുന്നുണ്ടായിരുന്നു. 10 വിക്കറ്റും 13 പന്തും ഉള്ളപ്പോൾ അവർക്ക് 3 റൺസ് മാത്രം മതിയായിരുന്നു ലക്ഷ്യത്തിലേക്ക്.

എന്നാൽ പിന്നീടാണ് അപ്രതീക്ഷിത ട്വിസ്റ്റ്. മഴയെ തുടർന്നു മത്സരം ഉപേക്ഷിക്കാൻ തീരുമാനിച്ചതായി ഓൺ ഫീൽഡ് അംപയർമാർ താരങ്ങളെ അറിയിച്ചു. 15 മിനിറ്റോളം നേരം ചാറ്റൽ മഴ പെയ്തപ്പോഴും മത്സരം തുടരുന്നുണ്ടായിരുന്നു. സിഡ്നി ജയത്തിനരികെ നിൽക്കെയാണ് പെട്ടെന്നു മത്സരം നിർത്താൻ അംപയർമാർ തീരുമാനിച്ചത്. സിഡ്നി താരങ്ങളും കമന്റേറ്റർമാരും അന്തംവിട്ടു നിൽക്കുന്നുണ്ടായിരുന്നു. അംപയർമാരെ കമന്റേറ്റർമാർ വിമർശിച്ചു. സിഡ്നി താരങ്ങളും പരിശീലകരും തീരുമാനത്തിനെതിരെ പ്രതിഷേധം അറിയിച്ചെങ്കിലും അംപയർമാർ തീരുമാനത്തിൽ ഉറച്ചു നിന്നു. ഇതോടെ താരങ്ങൾ പരസ്പരം കൈ കൊടുത്ത് ​ഗ്രൗണ്ട് വിട്ടു.

സമൂഹ മാധ്യമങ്ങളിൽ വിഷയം വലിയ തോതിലാണ് ചർച്ചയായത്. അംപയർമാർക്കെതിരെ വിമർശനങ്ങളും ഉയർന്നു. സിഡ്നി ടീം ഔദ്യോ​ഗികമായി പരാതി നൽകണമെന്നും ഈ തീരുമാനം കാരണം അവർ ഡബ്ല്യുബിബിഎല്ലിൽ നിന്നു പുറത്തായേക്കുമെന്നും ആരാധകർ ചൂണ്ടിക്കാട്ടി. അംപയർമാർ ഒത്തുകളിച്ചതാണോ എന്ന സംശയവും ചിലർ ഉന്നയിക്കുന്നുണ്ട്.

Sydney Thunder vs Adelaide Strikers WBBL Match
49 പന്തില്‍ സെഞ്ച്വറി; രോഹിത് ശര്‍മ്മയുടെ റെക്കോര്‍ഡ് തകര്‍ത്ത് പതിനെട്ടുകാരന്‍

ആരാധകരിൽ ചിലർ അംപയറുടെ തീരുമാനത്തെ അനുകൂലിക്കുന്നുണ്ട്. നിയമങ്ങൾ എല്ലായ്പ്പോഴും പാലിക്കണമെന്നും അംപയർമാരുടെ തീരുമാനം അന്തിമമാണെന്നും അവർ പറയുന്നു.

ഡബ്ല്യുബിബിഎല്ലിൽ ഏഴ് മത്സരങ്ങളിൽ നിന്നു അഞ്ച് പോയിന്റാണ് സിഡ്നിക്കുള്ളത്. ഇനി മൂന്ന് മത്സരങ്ങളാണ് അവർക്ക് ബാക്കിയുള്ളത്. അഡ്‌ലെയ്ഡ്‌ സ്ട്രൈക്കേഴ്സിനു ഏഴ് കളിയിൽ നിന്നു 6 പോയിന്റുകൾ.

Summary

WBBL: A huge controversy erupted during Sydney Thunder's Women's Big Bash League 2025 match against Adelaide Strikers.

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

Related Stories

No stories found.
X
logo
Samakalika Malayalam - The New Indian Express
www.samakalikamalayalam.com