കാബൂള്: ടി20 ലോകകപ്പിന്റെ സെമിയിലേക്ക് കൊടുങ്കാറ്റ് കണക്കെ എത്തിയ തങ്ങളുടെ നാടിന്റെ മുന്നേറ്റം ആഘോഷമാക്കി അഫ്ഗാന് ജനത. ബംഗ്ലാദേശിനെ വീഴ്ത്തി ചരിത്രത്തിലാദ്യമായി അവസാന നാലിലേക്ക് മുന്നേറിയ അഫ്ഗാനിസ്ഥാന്റെ നേട്ടം ജനം കൂട്ടത്തോടെ തെരുവിലിറങ്ങിയാണ് ആഘോഷമാക്കിയത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
ലക്ഷക്കണക്കിനു ആളുകളാണ് കൂട്ടത്തോടെ തെരുവിലെത്തി ആഘോഷിച്ചത്. സീനിയര് ക്രിക്കറ്റില് എല്ലാ ഫോര്മാറ്റിലുമായി ചരിത്രത്തിലാദ്യമാണ് അവരുടെ സെമി പ്രവേശം.
വര്ണപ്പൊടി വിതറിയും മറ്റും അവര് ആഹ്ലാദിച്ചു. തെരുവുകളില് വലിയ സ്ക്രീനില് കളിയും പ്രദര്ശിപ്പിച്ചിരുന്നു. നായകന് റാഷിദ് ഖാന്റെ മത്സര ശേഷമുള്ള പ്രതികരണവും തെരുവുകളില് നിന്നു ആളുകള് കണ്ടു. വെടിക്കെട്ട് നടത്തിയും നൃത്തം ചവിട്ടിയും ചരിത്ര നേട്ടം ആ ജനത ഉത്സവമാക്കി മാറ്റി.
ഈ ലോകകപ്പില് വമ്പന്മാരെ മലര്ത്തിയടിച്ചാണ് ടീമിന്റെ മുന്നേറ്റം. ഗ്രൂപ്പ് ഘട്ടത്തില് ആദ്യം ന്യൂസിലന്ഡിനേയും പിന്നാലെ സൂപ്പര് 8ല് ക്രിക്കറ്റിലെ എക്കാലത്തേയും വലിയ ടീമുകളിലൊന്നായ ഓസ്ട്രേലിയേയും പിന്നാലെ ബംഗ്ലാദേശിനേയും വീഴ്ത്തിയാണ് റാഷിദ് ഖാന് നായകനായ ടീം സെമി ഉറപ്പിച്ചത്. ഓസ്ട്രേലിയ സെമി കാണാതെ പുറത്താകാനും അഫ്ഗാന് നിമിത്തമായി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
