ബംഗി: അന്താരാഷ്ട്ര ടി20യിലെ ഏറ്റവും ചെറിയ ടീം ടോട്ടല്‍ റെക്കോര്‍ഡില്‍ സ്വന്തം പേരും എഴുതി ചേര്‍ത്ത് മംഗോളിയ! സിംഗപ്പുരിനെതിരായ ടി20 ലോകകപ്പ് ഏഷ്യന്‍ യോഗ്യതാ പോരാട്ടത്തിലാണ് നാണക്കേടിന്റെ റെക്കോര്‍ഡ്.
മംഗോളിയെ വെറും 10 റണ്‍സില്‍ ഓള്‍ ഔട്ടായി. വെറും അഞ്ച് പന്തില്‍ ഒരു വിക്കറ്റ് നഷ്ടത്തില്‍ 13 റണ്‍സെടുത്ത് സിംഗപ്പുര്‍ മത്സരം വിജയിക്കുകയും ചെയ്തു. 2023ല്‍ സ്‌പെയിനിനെതിരെ ഐല്‍ ഓഫ് മെന്‍ ടീം നേടിയ 10 റണ്‍സെന്ന നാണക്കേടിന്റെ റെക്കോര്‍ഡിനൊപ്പമാണ് മംഗോളിയയും എത്തിയത്.
സിംഗപ്പുര്‍ റിസ്റ്റ് ബൗളര്‍ ഹര്‍ഷ ഭരദ്വാജിന്റെ മാജിക്ക് സ്പിന്നാണ് മംഗോളിയയുടെ കണക്കു കൂട്ടല്‍ അപ്പാടെ തെറ്റിച്ചത്. നാലോവറില്‍ രണ്ട് മെയ്ഡനടക്കം 3 റണ്‍സ് മാത്രം വഴങ്ങി ഹര്‍ഷ 6 വിക്കറ്റുകള്‍ വീഴ്ത്തി. അക്ഷയ് പുരി രണ്ട് വിക്കറ്റും രഹാല്‍ ശേഷാദ്രി, രമേഷ് കാളിമുത്തു എന്നിവര്‍ ഓരോ വിക്കറ്റും സ്വന്തമാക്കി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
രണ്ട് വീതം റണ്‍സെടുത്ത ഗന്‍ഡെംബരല്‍ ഗന്‍ബോള്‍ഡ്, സോല്‍വഖ്‌ലന്‍ അമര്‍മെന്‍ഡ് (പുറത്താകാതെ) എന്നിവരാണ് ടീമിന്റെ ടോപ് സ്‌കോറര്‍മാര്‍. ഒപ്പം എക്‌സ്ട്രാ ഇനത്തില്‍ കിട്ടിയ രണ്ട് റണ്‍സും ഉപകാരപ്പെട്ടു! അഞ്ച് താരങ്ങള്‍ പൂജ്യത്തിനു പുറത്തായി.
സിംഗപ്പുരിന്റെ ആദ്യ വിക്കറ്റ് ഒന്നാം ഓവറിന്റെ ആദ്യ പന്തില്‍ തന്നെ മംഗോളിയ വീഴ്ത്തിയെങ്കിലും ആ ഓവറിലെ ശേഷിച്ച നാല് പന്കില്‍ സിംഗപ്പുര്‍ ലക്ഷ്യം കണ്ടു. വില്യം സിംപ്‌സന്‍ ആറ് റണ്‍സും റൗല്‍ ശര്‍മ ഏഴ് റണ്‍സും എടുത്താണ് ടീമിനെ ജയത്തിലെത്തിച്ചത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
