'നിന്നെ ഒരുപാട് മിസ് ചെയ്യും, എന്റെ കുഞ്ഞ് മാലാഖയെ വീണ്ടും കണ്ടുമുട്ടുന്നത് വരെ...'; മകന്റെ മരണവാര്‍ത്ത അറിയിച്ച് ഓസീസ് താരം

മെല്‍ബണ്‍: നാലുമാസം പ്രായമുള്ള തന്റെ ആണ്‍കുഞ്ഞ് മരിച്ചതായി ഓസ്‌ട്രേലിയന്‍ ക്രിക്കറ്റ് താരം ഫവാദ് അഹമ്മദ്. സമൂഹമാധ്യമമായ എക്‌സ് പേജിലൂടെയാണ് താരം കുട്ടിയുടെ മരണവാര്‍ത്ത അറിയിച്ചത്. ആരോഗ്യപ്രശ്‌നങ്ങളെത്തുടര്‍ന്ന് കുഞ്ഞ് മെല്‍ബണിലെ ആശുപത്രിയില്‍ ചികിത്സയിലായിരുന്നു. 

'എന്റെ കുഞ്ഞ് മാലാഖയെ വീണ്ടും കണ്ടുമുട്ടുന്നത് വരെ... എന്റെ കുഞ്ഞിന്റെ വേദനാജനകമായ പോരാട്ടം അവസാനിച്ചു. നിര്‍ഭാഗ്യവശാല്‍ എന്റെ കുഞ്ഞിനെ നഷ്ടമായി. അവന്‍ ഒരു മികച്ച സ്ഥലത്തായിരിക്കുമെന്ന് ഞാന്‍ വിശ്വസിക്കുന്നു. '

'നിന്നെ ഞങ്ങള്‍ ഒരുപാട് മിസ് ചെയ്യും. ഇത്തരം വേദനയിലൂടെ ആരും കടന്നുപോകരുതെന്ന് ഞാന്‍ ആഗ്രഹിക്കുന്നു, എല്ലാവരുടേയും പ്രാര്‍ത്ഥന വേണം'. ഫവാദ് എക്‌സില്‍ കുറിച്ചു. ആശുപത്രിയില്‍ ചികിത്സയില്‍ കഴിയവെയുള്ള കുഞ്ഞിന്റെ ചിത്രങ്ങളും ഫവാദ് പങ്കുവച്ചിട്ടുണ്ട്.

ഈ വാര്‍ത്ത കൂടി വായിക്കൂ 

മഹ്മുദുല്ലയുടെ ഒറ്റയാൾ പോരാട്ടം രക്ഷിച്ചില്ല; ബം​ഗ്ലാദേശിനെ 149 റൺസിന് തകർത്ത് ദക്ഷിണാഫ്രിക്ക

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ