ടൗരംഗ: വിജയ വഴിയിലേക്ക് തിരികെ കയറാന്‍ ഉറച്ച് ഇറങ്ങിയ ഇന്ത്യന്‍ സംഘത്തിന് ഓസ്‌ട്രേലിയക്ക് എതിരെ തുടക്കം പാളി. 28 റണ്‍സിലേക്ക് എത്തിയപ്പോള്‍ തന്നെ ഇന്ത്യയുടെ ഓപ്പണര്‍മാര്‍ മടങ്ങി.
ടോസ് നേടിയ ഓസ്‌ട്രേലിയ ഇന്ത്യയെ ബാറ്റിങ്ങിന് അയക്കുകയായിരുന്നു. 11 പന്തില്‍ നിന്ന് 10 റണ്‍സ് എടുത്ത് നില്‍ക്കെ മന്ദാനയെ ഡാര്‍സി ബ്രൗണ്‍ കൂടാരം കയറ്റി. പ്ലേയിങ് ഇലവനില്‍ അവസരം ലഭിച്ചെങ്കിലും ഷഫലിക്ക് അവസരം മുതലാക്കാനായില്ല. 16 പന്തില്‍ നിന്ന് ഒരു ഫോറും ഒരു സിക്‌സും സഹിതം 12 റണ്‍സ് എടുത്ത ഷഫലി മടങ്ങി.
കഴിഞ്ഞ നാല് കളിയില്‍ നിന്ന് 2 ജയവും രണ്ട് തോല്‍വിയുമാണ് ഇന്ത്യയുടെ അക്കൗണ്ടിലുള്ളത്. ഇനിയുള്ള മൂന്ന് കളികളില്‍ സ്ഥിരതയാര്‍ന്ന പ്രകടനം പുറത്തെടുത്താല്‍ മാത്രമാവും ടോപ് 4ലേക്ക് എത്തി സെമി പ്രവേശനം സാധ്യമാവുക. ഇന്ന് ഇന്ത്യക്കെതിരെ ജയം പിടിച്ചാല്‍ സെമിയിലേക്ക് കടക്കുന്ന ആദ്യ ടീമാവും ഓസ്‌ട്രേലിയ. കളിച്ച നാല് കളിയിലും അവര്‍ ജയം പിടിച്ചിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
