ലീഡ്‌സ്: ഇന്ത്യക്ക് മുന്‍പില്‍ കൂറ്റന്‍ ലീഡ് ഉയര്‍ത്തി കളി ഇംഗ്ലണ്ടിന്റെ കൈകളിലേക്ക് വെച്ചതിനൊപ്പം സെഞ്ചുറിയോടെ റെക്കോര്‍ഡുകളില്‍ പലതും തന്റെ പേരിലേക്ക് ചേര്‍ത്തു ജോ റൂട്ട്. ഇന്ത്യക്കെതിരെ തന്റെ എട്ടാമത്തെ സെഞ്ചുറിയാണ് റൂട്ട് ഹെഡിങ്‌ലേയില്‍ നേടിയത്. ഈ പരമ്പരയിലെ റൂട്ടിന്റെ മൂന്നാമത്തെ സെഞ്ചുറിയാണ് ഇത്.
ഇന്ത്യ-ഇംഗ്ലണ്ട് പരമ്പരയില്‍ ഏറ്റവും കൂടുതല്‍ സെഞ്ചുറികള്‍ എന്ന നേട്ടം ഇതോടെ റൂട്ടിന്റെ പേരിലേക്ക് എത്തി. ഏഴ് വീതം സെഞ്ചുറി നേടി നിന്നിരുന്ന അലസ്റ്റിയര്‍ കുക്ക്, രാഹുല്‍ ദ്രാവിഡ്, സച്ചിന്‍ ടെണ്ടുല്‍ക്കര്‍ എന്നിവരെയാണ് റൂട്ട് മറികടന്നത്.
64,109,180,33, 121 എന്നിങ്ങനെയാണ് മൂന്ന് ടെസ്റ്റുകളിലായി റൂട്ടിന്റെ സ്‌കോര്‍. ഇന്ത്യക്ക് എതിരെ എട്ട് സെഞ്ചുറികള്‍ നേടുന്ന താരം എന്ന നേട്ടത്തില്‍ വിവ് റിച്ചാര്‍ഡ്‌സ്, റിക്കി പോണ്ടിങ്, സ്റ്റീവ് സ്മിത്ത്, ഗാരി സോബേഴ്‌സ് എന്നിവര്‍ക്കൊപ്പവും റൂട്ട് എത്തി.
ഇന്ത്യക്കെതിരെ രണ്ട് ടെസ്റ്റ് പരമ്പരകളില്‍ 500 റണ്‍സിന് മുകളില്‍ സ്‌കോര്‍ ചെയ്യുന്ന മൂന്നാമത്തെ താരവുമായി റൂട്ട്. റിക്കി പോണ്ടിങ്, സഹീര്‍ അബ്ബാസ് എന്നിവരാണ് റൂട്ടിനൊപ്പം ഈ ലിസ്റ്റില്‍ ഉള്ളത്. ഒരു കലണ്ടര്‍ വര്‍ഷം ആറ് സെഞ്ചുറികള്‍ നേടുന്ന ആദ്യ ഇംഗ്ലണ്ട് ക്യാപ്റ്റനുമായി റൂട്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
