ലങ്കാഷെയര്‍ ടീമിലേക്ക് ഈയടുത്താണ് താരം എത്തിയത്. കൗണ്ടി ഏകദിന കപ്പിലാണ് താരത്തിന്റെ പ്രകടനം.
കൗണ്ടി ഏകദിന പോരാട്ടത്തില്‍ വോസ്റ്റഷെയറിനെതിരായ പോരാട്ടത്തില്‍ ടീമിനെ നാടകീയ ജയത്തിലേക്ക് വെങ്കടേഷ് നയിച്ചു. ടീം 3 റണ്‍സിന്റെ നാടകീയ ജയമാണ് സ്വന്തമാക്കിയത്.
മത്സരത്തില്‍ അവസാന രണ്ട് വിക്കറ്റുകള്‍ തുടരെ രണ്ട് പന്തുകള്‍ വീഴ്ത്തിയാണ് വെങ്കടേഷ് ടീമിനു അപ്രതീക്ഷിത ജയം സമ്മാനിച്ചത്.
ആദ്യം ബാറ്റ് ചെയ്ത ലങ്കാഷെയര്‍ നിശ്ചിത ഓവറില്‍ 237 റണ്‍സാണ് എടുത്തത്. മറുപടി പറഞ്ഞ വോസ്റ്റഷെയര്‍ 49 ഓവറില്‍ 234 റണ്‍സിനു എല്ലാവരും പുറത്തായി.
മത്സരത്തില്‍ വോസ്റ്റഷെയര്‍ ജയത്തിലേക്ക് പോകവേ വെങ്കടേഷ് 49ാം ഓവറാണ് എറിഞ്ഞത്. വെസ്റ്റഷെയറിനു ജയിക്കാന്‍ അവസാന രണ്ടോവറില്‍ 15 റണ്‍സായിരുന്നു വേണ്ടിയിരുന്നത്. ശേഷിക്കുന്നത് രണ്ട് വിക്കറ്റുകളും. അഞ്ചാം പന്തില്‍ ടോം ഹിന്‍ലിയേയും ആറാം പന്തില്‍ ഹാരി ഡാര്‍ലിയേയും തുടരെ മടക്കിയാണ് വെങ്കടേഷ് ടീമിനെ ജയിപ്പിച്ചത്.
ആറോവറില്‍ 38 റണ്‍സ് വഴങ്ങി താരം രണ്ട് വിക്കറ്റുകള്‍ സ്വന്തമാക്കി. ബാറ്റ് ചെയ്തപ്പോള്‍ 42 പന്തില്‍ 25 റണ്‍സും താരം അടിച്ചെടുത്തു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
