അഹമ്മദാബാദ്: കര്ണാടകയ്ക്കെതിരായ വിജയ് ഹസാരെ ട്രോഫി പോരാട്ടത്തില് മികച്ച സ്കോറുയര്ത്തി കേരളം. ആദ്യം ബാറ്റ് ചെയ്ത കേരളം നിശ്ചിത 50 ഓവറില് 7 വിക്കറ്റ് നഷ്ടത്തില് 284 റണ്സാണ് ബോര്ഡില് ചേര്ത്തത്.
ഏഴാമനായി ക്രീസിലെത്തി മിന്നും ബാറ്റിങുമായി കളം വാണ മുഹമ്മദ് അസ്ഹറുദ്ദീന്റെ കിടിലന് അര്ധ സെഞ്ച്വറിയാണ് കേരളത്തിനു മികച്ച സ്കോര് സമ്മാനിച്ചത്. ഒപ്പം ബാബ അപരാജിതിന്റെ അര്ധ ശതകവും കേരളത്തിനു നിര്ണായകമായി.
മുഹമ്മദ് അസ്ഹറുദ്ദീന് 58 പന്തുകള് നേരിട്ട് 4 സിക്സും 3 ഫോറും സഹിതം 84 റണ്സുമായി പുറത്താകാതെ നിന്നു. ബാബ അപരാജിത് 62 പന്തില് 8 ഫോറും 2 സിക്സും സഹിതം 71 റണ്സും കണ്ടെത്തി. വിഷ്ണു വിനോദ് (35), എംഡി നിധീഷ് (പുറത്താകാതെ 34), അഖില് സ്കറിയ (27) എന്നിവരും ഭേദപ്പെട്ട ബാറ്റിങ് പുറത്തെടുത്തു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
