രണ്ടാഴ്ചയ്ക്കുള്ളിൽ രണ്ടാം സ്വർണം; ലോക റാങ്കിങ്ങിൽ ഒന്നാമതെത്തി വിനേഷ് ഫോഗാട്ട് 

രണ്ടാഴ്ചയ്ക്കുള്ളിൽ രണ്ടാം സ്വർണം നേടി ഇന്ത്യൻ വനിതാ ഗുസ്തി താരം വിനേഷ് ഫോഗാട്ട്. റോമിൽ നടന്ന മാറ്റിയോ പെല്ലിക്കോൺ റാങ്കിംഗ് സീരീസ് ഫൈനലിൽ കാനഡയുടെ ഡയാന വിക്കറിനെ പരാജയപ്പെടുത്തിയാണ് വിനേഷിന്റെ നേട്ടം. 

53 കിലോഗ്രാം കിരീട പോരാട്ടത്തിൽ 4-0ന് വിനേഷ് ഡയാനയെ പരാജയപ്പെടുത്തി. ലോക മൂന്നാം റാങ്കുകാരിയായി മത്സരത്തിനെത്തിയ വിനേഷ് സീരീസിലെ തകർപ്പൻ പ്രകടനത്തിലൂടെ 14 പോയിന്റ് നേടി ലോക ഒന്നാം സ്ഥാനത്തെത്തി.