ന്യൂഡല്ഹി: ഏകദിന ക്രിക്കറ്റില് സെഞ്ച്വറിയില് റെക്കോര്ഡ് നേട്ടവുമായി വിരാട് കോഹ് ലി. ഇന്ത്യന് ഇതിഹാസതാരം സച്ചിന് ടെണ്ടുല്ക്കറെയാണ് സെഞ്ച്വറി നേട്ടത്തില് കോഹ് ലി മറികടന്നത്. ഇന്നലെ നടന്ന ദക്ഷിണാഫ്രിക്കയ്ക്കെതിരായ മത്സരത്തിലാണ് കോഹ് ലിയുടെ നേട്ടം. 120 പന്തില് നിന്ന താരം 135 റണ്സ് നേടി. മത്സരത്തില് ഇന്ത്യ പതിനേഴ് റണ്സിന് വിജയിച്ചു.
ഏകദിനത്തില് 52 സെഞ്ച്വറി കുറിച്ച കോഹ് ലി ക്രിക്കറ്റിലെ ഒരു ഫോര്മാറ്റില് മാത്രമായി ഏറ്റവും കൂടുതല് സെഞ്ച്വറി എന്ന റെക്കോര്ഡ് ആണ് സ്വന്തം പേരില് എഴുതിയത്. 51 സെഞ്ച്വറി നേടിയ സച്ചിന് ടെണ്ടുല്ക്കര്ക്കൊപ്പമായിരുന്നു സെഞ്ച്വറി എണ്ണത്തില് കോഹ് ലി. ഏകദിനത്തിലെ റണ്സ് വേട്ടയില് സച്ചിനാണ് മുന്നില്. രണ്ടാമത് കോഹ് ലിയാണ്. 463 മത്സരങ്ങളിലായി 18426 റണ്സ് നേടിയപ്പോള് 306 മത്സരങ്ങളില് നിന്ന് 14390 റണ്സാണ് കോഹ് ലിയുടെ സമ്പാദ്യം.
ടെസ്റ്റില് 31 ഉം ടി20യില് ഒരു സെഞ്ച്വറിയും നേടിയ കോഹ് ലിക്ക് കരിയറില് 83 സെഞ്ച്വറിയായി. ഇതോടെ പുരുഷന്മാരുടെ അന്താരാഷ്ട്ര ക്രിക്കറ്റില് 7000 സെഞ്ച്വറിയായി.
ഏകദിനക്രിക്കറ്റില് ഏറ്റവും കൂടുതല് സിക്സര് പറത്തുന്ന താരമെന്ന റെക്കോര്ഡ് മുന് ഇന്ത്യന് നായകനും ഓപ്പണറുമായ രോഹിത് ശര്മയ്ക്ക് സ്വന്തം. ഒരു പതിറ്റാണ്ടിലേറെയായി പാകിസ്ഥാന്റെ ഷാഹിദ് അഫ്രീദിയടെ പേരിലുള്ള റെക്കോര്ഡ് ആണ് രോഹിത് സ്വന്തമാക്കിയത്. ഇന്നലത്തെ മത്സരത്തില് ദക്ഷിണാഫ്രിക്കയ്ക്കെതിരെ മൂന്ന് സിക്സ് നേടിയതോടെയാണ് 352 സിക്സുകളായത്. വെസ്റ്റ്ഇന്ഡീസിന്റെ ഗെയ്ല് ആണ് മൂന്നാമത്. അഫ്രീദി 398 മത്സരങ്ങളിലെ 351 ഇന്നിങ്സിലാണ് ഈ നേട്ടത്തിലെത്തിയതെങ്കില് 277 കളിയിലെ 269 ഇന്നിങ്സിലാണ് രോഹിതിന്റെ നേട്ടം.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
