ഹൈദരാബാദ്: ഇന്ത്യക്കെതിരായ ഒന്നാം ക്രിക്കറ്റ് ടെസ്റ്റ് നാളെ തുടങ്ങാനിരിക്കെ ഇംഗ്ലണ്ടിനു തിരിച്ചടി. ടീമില്‍ ഉള്‍പ്പെടുത്തിയിരുന്ന യുവ സ്പിന്നര്‍ ഷൊയ്ബ് ബഷീര്‍ നാട്ടിലേക്ക് മടങ്ങി. ഇന്ത്യയിലേക്കുള്ള വിസ അനുവദിച്ചു കിട്ടാത്തതിനെ തുടര്‍ന്നാണ് താരം മടങ്ങിയത്. വിസയ്ക്കുള്ള അപേക്ഷ നിരസിക്കപ്പെട്ടു.
ഇന്ത്യയിലെത്തും മുന്‍പ് ഇംഗ്ലണ്ട് ടീം അബുദാബിയിലാണ് പരിശീലനം നടത്തിയത്. ഇവിടെ നിന്നു താരം നാട്ടിലേക്ക് തന്നെ മടങ്ങുകയായിരുന്നു.
താരത്തിനു മടങ്ങേണ്ടി വന്നത് അങ്ങേയറ്റത്തെ നിരാശയാണെന്നു ഇംഗ്ലണ്ട് ടെസ്റ്റ് നായകന്‍ ബെന്‍ സ്റ്റോക്‌സ്പ്രതികരിച്ചു. ഡിസംബര്‍ പകുതിയോടെ തന്നെ ഇംഗ്ലണ്ട് ടീമിനെ പ്രഖ്യാപിച്ചിരുന്നു. പുതുമുഖ താരമെന്ന നിലയില്‍ ബാഷിനു ഈ തരത്തിലുള്ള അനുഭവമുണ്ടാകുന്നത് അദ്ദേഹത്തെ സംബന്ധിച്ചു നിരാശപ്പെടുത്തുന്നതാണ്. ആ ഫീല്‍ തനിക്കു മനസിലാകുമെന്നും സ്റ്റോക്‌സ് വ്യക്തമാക്കി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
