ഹാമില്‍ട്ടണ്‍: വെസ്റ്റ് ഇന്‍ഡീസിന് എതിരെ ഇരട്ട ശതകവുമായി ന്യൂസിലാന്‍ഡ് നായകന്‍ കെയിന്‍ വില്യംസണ്‍. 412 പന്തുകള്‍ നേരിട്ട വില്യംസണ്‍ 251 റണ്‍സ് നേടിയാണ് പുറത്തായത്. നായകന്റെ ഇരടട് ശതകത്തിന്റെ മികവില്‍ കിവീസ് ഏഴ് വിക്കറ്റ് നഷ്ടത്തില്‍ 519 റണ്‍സിലേക്ക് എത്തി.
രണ്ട് വിക്കറ്റ് നഷ്ടത്തില്‍ 243 റണ്‍സ് എന്ന നിലയിലാണ് രണ്ടാം ദിനം കിവീസ് ബാറ്റിങ് പുനരാരംഭിച്ചത്. 97 റണ്‍സില്‍ രണ്ടാം ദിനം തുടങ്ങിയ വില്യംസണ്‍ 22ാം ടെസ്റ്റ് ശതകം തികച്ചു. പിന്നാലെ വാലറ്റക്കാരന്‍ ജാമിസണിനെ കൂട്ടുപിടിച്ചാണ് വില്യംസണ്‍ ഇരട്ട ശതകവും പിന്നിട്ട് കുതിച്ചത്.
369 പന്തിലാണ് വില്യംസണ്‍ ഇരട്ട ശതകം പൂര്‍ത്തിയാക്കിയത്. ന്യൂസിലാന്‍ഡ് നിരയില്‍ വില്യംസണും ടോം ലാതവും മാത്രമാണ് ബാറ്റിങ്ങില്‍ തിളങ്ങിയത്. ലാതം 86 റണ്‍സ് നേടി. വില്യംസണിനൊപ്പം പിടിച്ചു നിന്ന ജാമിസണ്‍ 51 റണ്‍സ് നേടി. വിന്‍ഡിസ് ബൗളിങ് നിരയില്‍ കെമാര്‍ റോച്ചും, ഗബ്രിയേലും മൂന്ന് വിക്കറ്റ് വീതം വീഴ്ത്തി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
