70 വയസിനിടെ മൂന്നാം ഭാര്യ; ഡബ്ല്യുഡബ്ല്യുഇ ഇതിഹാസം ​ഹൾക്ക് ​ഹോ​ഗൻ വീണ്ടും വിവാഹിതനായി

ന്യൂയോർക്ക്: ഡബ്ല്യുഡബ്ല്യുഇ ഇതിഹാസം ​ഹൾക്ക് ​ഹോ​ഗൻ 70 വയസിനിടെ മൂന്നാം തവണയും വിവാഹം കഴിച്ചു. സ്കൈ ‍ഡെയ്ലിയാണ് മൂന്നാം തവണ ​ഹൾക്കിന്റെ ജീവിതത്തിലേക്ക് വന്നത്. യോ​ഗ ഇസ്ട്രക്ടറും അക്കൗണ്ടന്റുമാണ് 45 കാരിയായ സ്കൈ ഡെയ്ലി. 

കഴിഞ്ഞ ജൂലൈയിലാണ് ഇരുവരുടേയും വിവാഹ നിശ്ചയം. കഴിഞ്ഞ ദിവസം ഫ്ലോറിഡയിൽ വച്ച് വിവാഹം നടന്നു. അടുത്ത ബന്ധുക്കളും സുഹൃത്തുക്കളുമാണ് ചടങ്ങിലെത്തിയത്. ഹൾക്കിന്റെ ആദ്യ ഭാര്യയിലെ മകൾ 35കാരിയായ ബ്രൂക് ഹോ​ഗൻ വിവാഹത്തിൽ പങ്കെടുത്തില്ല. 

ആദ്യ ഭാര ലിന്‍ഡ ഹോഗനുമൊത്തുള്ള ബന്ധം 27 വര്‍ഷം നീണ്ടു. 2009ലാണ് ദമ്പതികള്‍ പിരിഞ്ഞത്. ഈ ബന്ധത്തിൽ രണ്ട് മക്കളുണ്ട്. 2010ല്‍ ഹള്‍ക്ക് രണ്ടാം വിവാഹം കഴിച്ചു. ജനിഫര്‍ മക്ക് ഡാനിയേലായിരുന്നു ഇത്തവണ. ഈ ബന്ധം 11 വര്‍ഷം നീണ്ടു. 2021ല്‍ ഇരുവരും പിരിഞ്ഞു.

പിന്നാലെയാണ് ഹൾക്ക് സ്കൈ ഡെയ്ലിയുമായി ഡേറ്റിങിലായത്. കഴിഞ്ഞ വർഷം ഒരു സം​ഗീത പരിപാടിയിൽ ഇരുവരും ഒരുമിച്ചു പങ്കെടുത്തിരുന്നു. 

ഈ വാര്‍ത്ത കൂടി വായിക്കൂ

24 പന്തില്‍ ഫിഫ്റ്റി! ഇന്‍ഡോറില്‍ കത്തി ജ്വലിച്ച് സൂര്യ; രണ്ട് സെഞ്ച്വറി, രണ്ട് അര്‍ധ സെഞ്ച്വറി; ഓസീസ് താണ്ടണം 400 റണ്‍സ്

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ