ഐസിസിയുടെ ടി20 ലോകകപ്പിൽ നിന്നും മികച്ച ഫോമിലുള്ള യുസ്‌വേന്ദ്ര ചഹലിനെ ഒഴിവാക്കിയപ്പോൽ വലിയ വിമർശനമാണ് ആരാധകർ ഉയർത്തിയത്. പിന്നാലെ ന്യൂസിലൻഡിനെതിരായ ടി20യിൽ ചാഹലിനെ ഇന്ത്യൻ പ്ലെയിങ് ഇലവനിൽ ഉൾപെടുത്താതിരുന്നതും വിമർശിക്കപ്പെട്ടു. എന്നാൽ പരമ്പരയിലെ മൂന്നാം മത്സരത്തിൽ ചഹൽ ഇന്ത്യൻ ജേഴ്സിയിൽ ഇറങ്ങി. ഇപ്പോഴിതാ ചഹലിനെ പ്രശംസിച്ച് രംഗത്തെത്തിയിരിക്കുകയാണ് ദിനേശ് കാർത്തിക്.
2022 ടി20 ലോകകപ്പിലെ രോഹിത് ശർമ്മയുടെ ഇന്ത്യൻ പടയിൽ യുസ്‌വേന്ദ്ര ചഹൽ ഉറപ്പായും സ്ഥാനം നേടുമെന്ന് ദിനേശ് കാർത്തിക്. മടങ്ങിവരവിൽ ചഹലിനെ അഭിനന്ദനം കൊണ്ട് മൂടിയിരിക്കുകയാണ് കാർത്തിക്. ഒരു ബോളർ എന്ന നിലയിൽ താരം ഒരുപാട് മെച്ചപ്പെട്ടെന്നും കാർത്തിക് പറഞ്ഞു.
"അയാളുടെ തിരിച്ചുവരവ് വളരെ മികച്ചതാണ്. അത് താരത്തിന്റെ വ്യക്തിത്വമാണ് കാണിക്കുന്നത്. ഐപിഎൽ രണ്ടാം ഭാഗത്തിൽ ചവൽ ഒരു ചാമ്പ്യനായിരുന്നു. ഇന്ത്യയുടെ ടോപ് ലെഗ് സ്പിന്നറാണ് അദ്ദേഹം. ഞാൻ എപ്പോഴും ചഹലിനെ ഒരു പടി മുന്നിൽ റേറ്റ് ചെയ്യും. കാരണം അദ്ദേഹം ഒരു ചെസ് താരം കൂടിയാണ്, സാധാരണ ആളുകളെക്കാൾ ഒരുപടി മുകളിലായിരിക്കും അവരുടെ നീക്കങ്ങൾ. അദ്ദേഹത്തിന് നല്ല കഴിവുണ്ട്, ഒരു ധീരനായ ബൗളർ കൂടിയാണ് അദ്ദേഹം. ഐപിഎല്ലിൽ ഒറ്റയ്ക്ക് ഉയരത്തിൽ വളർന്ന കളിക്കാരൻ. 2013ൽ ആർസിബി 10 ലക്ഷം രൂപയ്ക്കാണ് അദ്ദേഹത്തെ വാങ്ങിയത്, ഇപ്പോൾ അവൻ അതിനപ്പുറമാണ്",കാർത്തിക് പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
